2 лістапада, Мінск /Кар. БЕЛТА/. Экспарт беларускіх прадуктаў харчавання ў студзені-верасні вырас на 12,6 працэнта. Аб гэтым паведаміў сёння ў час прэс-канферэнцыі намеснік міністра сельскай гаспадаркі і харчавання Аляксей Багданаў, перадае карэспандэнт БЕЛТА.
"Паводле аператыўных даных Белстата, за 9 месяцаў бягучага года экспарт беларускіх прадуктаў харчавання вырас на 12,6 працэнта і перасягнуў лічбу $4,7 млрд. За 8 месяцаў гэтага года быў рост на 10,8 працэнта, такім чынам дынаміка палепшылася на 1,8 працэнтнага пункта. Паступленне валютнай выручкі за 9 месяцаў павялічылася на $529 млн. Беларусь прадаўжае ўпэўнена нарошчваць пастаўкі ў іншыя краіны свету", - сказаў Аляксей Багданаў.
Паводле яго слоў, растуць пастаўкі ва ўсе краіны і рэгіёны, уключаючы як СНД, так і далёкае замежжа. Асноўнымі рынкамі далёкага замежжа з'яўляюцца Азіяцкі рэгіён і краіны Еўрапейскага саюза.-0-
