Фота з архіва
22 мая, Гомель /Кар. БЕЛТА/. БЕЛАЗы павінны замяшчаць у Магаданскай вобласці амерыканскія і японскія машыны. Аб гэтым заявіў журналістам міністр антыманапольнага рэгулявання і гандлю Беларусі Аляксей Багданаў па выніках пасяджэння рабочай групы па супрацоўніцтве Беларусі і Магаданскай вобласці, перадае карэспандэнт БЕЛТА.
На пасяджэнні рабочай групы канструктыўна абмеркавалі шырокі спектр пытанняў, адзначыў міністр. "Сканцэнтраваліся на тым, не якія лічбы сёння ёсць - таму што тавараабарот не адпавядае рэальным нашым магчымасцям, - а на тым, што неабходна зрабіць, каб хутка і аператыўна нарасціць наш узаемны тавараабарот", - канкрэтызаваў ён.
Тэмай нумар адзін Аляксей Багданаў назваў узмацненне работы ў галіне паставак беларускага машынабудавання. "Асабліва цяжкага. Гэта золатаздабыўны рэгіён (Магаданская вобласць. - Заўвага БЕЛТА). І там БЕЛАЗы павінны замяшчаць і амерыканскія, і японскія машыны. Нашым прадпрыемствам неабходна аператыўна нарошчваць аб'ёмы паставак туды тэхнікі, ствараючы мультыбрэндавы цэнтр. І самая галоўная наша канкурэнтная перавага - якаснае сэрвіснае абслугоўванне", - зрабіў акцэнт міністр.
Таксама на пасяджэнні ішла размова аб пастаўках беларускіх прадуктаў харчавання. "Дамовіліся пашырыць, нарасціць аб'ёмы паставак менавіта мясамалочнай прадукцыі. У нас яе хапае. У абмен мы будзем браць рыбу і тлушчы для нашай касметычнай галіны, для аховы здароўя. У тым ліку і Амега-3. Яны яе шмат вырабляюць, экалагічна чыстай", - удакладніў Аляксей Багданаў.
"Цікавая і здабыча, і золатаперапрацоўка на нашай тэрыторыі. Бізнес Магаданскай вобласці, які займаецца гэтым напрамкам, наведаў наш завод "Крышталь" (гомельскі ювелірны. - Заўвага БЕЛТА). Ёсць пэўныя дамоўленасці. Акрамя таго, агучвалася тэма і сумеснай здабычы каштоўных металаў. У гэтым напрамку будзем прапрацоўваць, не так усё проста. Але менавіта пастаўкі на "Крышталь" сыравіны - гэта тэма цікавая", - падкрэсліў міністр.
"Напрамкаў шмат. І задача, паклаўшы гэтыя напрамкі на дакумент, на паперу, хутка і аператыўна іх рэалізаваць", - рэзюмаваў ён.
На пасяджэнні рабочай групы было таксама падпісана пагадненне паміж урадам Беларусі і ўрадам Магаданскай вобласці аб гандлёва-эканамічным, навукова-тэхнічным, культурным і гуманітарным супрацоўніцтве.-0-
На пасяджэнні рабочай групы канструктыўна абмеркавалі шырокі спектр пытанняў, адзначыў міністр. "Сканцэнтраваліся на тым, не якія лічбы сёння ёсць - таму што тавараабарот не адпавядае рэальным нашым магчымасцям, - а на тым, што неабходна зрабіць, каб хутка і аператыўна нарасціць наш узаемны тавараабарот", - канкрэтызаваў ён.
Тэмай нумар адзін Аляксей Багданаў назваў узмацненне работы ў галіне паставак беларускага машынабудавання. "Асабліва цяжкага. Гэта золатаздабыўны рэгіён (Магаданская вобласць. - Заўвага БЕЛТА). І там БЕЛАЗы павінны замяшчаць і амерыканскія, і японскія машыны. Нашым прадпрыемствам неабходна аператыўна нарошчваць аб'ёмы паставак туды тэхнікі, ствараючы мультыбрэндавы цэнтр. І самая галоўная наша канкурэнтная перавага - якаснае сэрвіснае абслугоўванне", - зрабіў акцэнт міністр.
Таксама на пасяджэнні ішла размова аб пастаўках беларускіх прадуктаў харчавання. "Дамовіліся пашырыць, нарасціць аб'ёмы паставак менавіта мясамалочнай прадукцыі. У нас яе хапае. У абмен мы будзем браць рыбу і тлушчы для нашай касметычнай галіны, для аховы здароўя. У тым ліку і Амега-3. Яны яе шмат вырабляюць, экалагічна чыстай", - удакладніў Аляксей Багданаў.
"Цікавая і здабыча, і золатаперапрацоўка на нашай тэрыторыі. Бізнес Магаданскай вобласці, які займаецца гэтым напрамкам, наведаў наш завод "Крышталь" (гомельскі ювелірны. - Заўвага БЕЛТА). Ёсць пэўныя дамоўленасці. Акрамя таго, агучвалася тэма і сумеснай здабычы каштоўных металаў. У гэтым напрамку будзем прапрацоўваць, не так усё проста. Але менавіта пастаўкі на "Крышталь" сыравіны - гэта тэма цікавая", - падкрэсліў міністр.
"Напрамкаў шмат. І задача, паклаўшы гэтыя напрамкі на дакумент, на паперу, хутка і аператыўна іх рэалізаваць", - рэзюмаваў ён.
На пасяджэнні рабочай групы было таксама падпісана пагадненне паміж урадам Беларусі і ўрадам Магаданскай вобласці аб гандлёва-эканамічным, навукова-тэхнічным, культурным і гуманітарным супрацоўніцтве.-0-
