Мабільная версія
ДЗЯРЖОРГАНЫ

Апошнія навіны
Усе навіны

Юбілейны сезон фестывалю "Тэатральны куфар, БДУ - 2018" адкрыецца 17 верасня

Культура 14.09.2018 | 17:46
Фота з архіва
Фота з архіва

14 верасня, Мінск /Кар. БЕЛТА/. Юбілейны, 15-ы сезон фестывалю "Тэатральны куфар, БДУ - 2018" адкрыецца 17 верасня ў Беларускім дзяржаўным універсітэце, паведамілі БЕЛТА.

У гэты дзень пройдзе фотавыстаўка, прысвечаная юбілею аднаго з самых маштабных культурных праектаў БДУ. Архіўныя матэрыялы раскажуць пра гісторыю, геаграфію, галоўныя акцыі фестывалю за 15 гадоў. Тэматыку падзеі прадоўжыць тэатральны перформанс, паказаны сталічнымі акцёрамі, і круглы стол "Студэнцкія і маладзёжныя тэатры сёння: праблемы і перспектывы". У абмеркаванні прымуць удзел прарэктар па выхаваўчай рабоце і сацыяльных пытаннях БДУ Іван Янушэвіч, дырэктар фестывалю Кацярына Саладуха, рэжысёр фестывалю і народнага студэнцкага драматычнага тэатра "На балконе" БДУ Дзмітрый Цішко, дацэнт кафедры тэатральнай творчасці Беларускага дзяржаўнага ўніверсітэта культуры і мастацтваў Зінаіда Пасюціна, драматург, рэжысёр, акцёр Беларускага дзяржаўнага маладзёжнага тэатра Дзмітрый Багаслаўскі, дацэнт факультэта журналістыкі БДУ, кандыдат мастацтвазнаўства, тэатральны крытык Аляксей Стрэльнікаў, кіраўнік Цэнтра эксперыментальнай рэжысуры, старшы выкладчык Беларускай дзяржаўнай акадэміі мастацтваў, рэжысёр Таццяна Траяновіч, дацэнт кафедры тэатральнай творчасці БДУКМ Вячаслаў Машчэка, драматургіі Мікалай Рудкоўскі, Віталь Каралёў і інш.

Асноўныя тэатральныя дзеянні юбілейнага сезона разгорнуцца з 20 па 27 верасня на сцэнах Мінска. Шырокая праграма "Тэатральнага куфара, БДУ-2018" уключае 22 спектаклі, у якіх задзейнічаны больш за 250 артыстаў з 12 краін: Беларусі, Вялікабрытаніі, Грузіі, Ізраіля, Ірана, Латвіі, Літвы, Польшчы, Расіі, Сербіі, Узбекістана, Харватыі.

Адкрые тэатральную афішу 20 верасня спектакль "Хрыстос прызямліўся ў Гародні" паводле матываў рамана Уладзіміра Караткевіча. На сцэне выступяць акцёры майстэрні Вячаслава Паўлюця Беларускай дзяржаўнай акадэміі мастацтваў.

Будзе арганізавана спецыяльная праграма для дзяцей. Шэсць тэатралізаваных пастановак падрыхтавалі юныя артысты ва ўзросце ад 6 да 16 гадоў. Яны выступяць на сцэне Нацыянальнага цэнтра мастацкай творчасці дзяцей і моладзі і філалагічнага факультэта БДУ. Усяго будзе прадстаўлена шэсць дзіцячых тэатраў з Беларусі, Вялікабрытаніі, Латвіі і Расіі.

Адным з самых відовішчных дзеянняў стане традыцыйны праект фестывалю "Куфар-in-Motion". У гэтым годзе яго правядзе заслужаны дзеяч мастацтваў Туркменістана, рэжысёр Аўлякулі Хаджакулі. Удзельнікамі праекта стануць мінскія акцёры, якія на працягу тыдня пад кіраўніцтвам знакамітага пастаноўшчыка створаць арыгінальнае дзейства паводле матываў паэмы "Каін" Джорджа Гордана Байрана. Прэзентацыя пастаноўкі адбудзецца на сцэне Ліцэя БДУ на цырымоніі закрыцця 27 верасня.

Каму будзе ўручаны галоўны прыз "Тэатральнага куфара, БДУ-2018", па традыцыі вырашыць глядач, ацэньваючы кожны спектакль пасля прагляду па пяцібальнай сістэме. Прафесійнае меркаванне выкажа журы ў складзе Аўлякулі Хаджакулі (старшыня журы); Роберта Кіта (Аўстрыя), Валянціны Мароз (Беларусь), Эдварда Льюіса (Вялікабрытанія), Канстанціна Абашыдзэ (Грузія), Аляксея Яфрэмава (Расія), Рамана Ганчарука (Украіна).

Фестываль праводзіцца ў БДУ з 2004 года пад эгідай Міжнароднай асацыяцыі ўніверсітэцкіх тэатраў. За сваю гісторыю ён сабраў больш за 150 тэатраў з 65 краін.-0-

Версія для друку
Навіны рубрыкі Культура
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

ID-картка беларуса ID-картка - дакумент, які засведчвае асобу, для карыстання ўнутры краіны. Лічбавы аналаг пашпарта плануецца пачаць выдаваць у 2019 годзе.