Мабільная версія
ДЗЯРЖОРГАНЫ

Апошнія навіны
Усе навіны

Гран-пры конкурсу выканаўцаў эстраднай песні "Віцебск-2019" прысудзілі Адзільхану Макіну з Казахстана

Культура 15.07.2019 | 17:54
Адзільхан Макін
Адзільхан Макін

15 ліпеня, Віцебск /Кацярына Князева - БЕЛТА/. Уладальнікам Гран-пры XXVIII Міжнароднага конкурсу выканаўцаў эстраднай песні "Віцебск-2019" стаў прадстаўнік Казахстана Адзільхан Макін, узнагароду яму ўрачыста ўручаць сёння на гала-канцэрце закрыцця, перадае карэспандэнт БЕЛТА.

Казахстанец па выніках двух конкурсных дзён лідзіраваў з вялікім адрывам - ён набраў 178 балаў. Пераможца ўдастоены запаветнай узнагароды "Ліра" і грашовай прэміі ў памеры $20 тыс.

Георгій Путкарадзэ з Грузіі і Ілай з Ізраіля набралі аднолькавую колькасць балаў - 171. Але дзяліць першую прэмію, згодна з палажэннем, нельга. Старшыня журы Тамара Гвердцытэлі пракаменціравала гэта пытанне карэспандэнту БЕЛТА так: "Гэта было калектыўнае рашэнне. Я заклікала галасаваць, і журы пагадзілася. Я не хацела быць тэндэнцыйнай, не хацела, каб мяне абвінавацілі, калі б раптоўна асабіста аддала голас свайму земляку". Але ў выніку журы калектыўна аддало дадатковы бал грузіну, ён стаў лаўрэатам першай прэміі і ўладальнікам грашовай прэміі ў памеры $15 тыс.

Другую прэмію ў памеры $5 тыс. кожнаму і спецпрыз падзялілі адпаведна Ілай і беларус Ваня Зданюк, які набраў 170 балаў.

Каб падзяліць трэцюю прэмію, журы давялося правесці нямала часу ў гарачых спрэчках. Расіянін Іван Дзятлаў з яго 168 баламі толькі крыху адарваўся ад яшчэ трох канкурсантаў са 167 баламі: Паўліны з Літвы, Лідзіі Ісак з Малдовы і Дзмітрыя Бабака з Украіны. У выніку лаўрэатамі сталі расіянін і ўкраінец. Яны падзялілі і спецыяльны прыз, і прэмію ў памеры $5 тыс. "Хацелі спачатку аддаць трэцюю прэмію аднаму чалавеку, але я настаяла, каб яе падзялілі. Было б прыкра абмінуць астатніх удзельнікаў", - растлумачыла старшыня журы.

Акрамя таго, былі ўручаны спецыяльныя прызы ад партнёраў і спонсараў. Так, спецыяльнай прэміі Парламенцкага сходу Саюза Беларусі і Расіі ўдастоены адпаведна прадстаўнікі гэтых краін на конкурсе. Міждзяржаўная тэлерадыёкампанія "МІР" прысудзіла сваю прэмію $2 тыс. канкурсантцы з Малдовы Лідзіі Ісак, спецыяльная прэмія імя Уладзіміра Мулявіна дасталася Паўліне з Літвы. А Лідзія Брэска з Латвіі і Нікі Танеў з Балгарыі адправяцца ў тыднёвы тур на Мальту для ўдзелу ў конкурсе "Залаты голас".

"У наш час былі іншыя патрабаванні да артыстаў, якія прадстаўлялі Савецкі Саюз. Мы павінны былі прывозіць прэміі з міжнародных конкурсаў. Цяпер, гледзячы на гэтых юнакоў і дзяўчат, я ўспамінаю той час і думаю, што толькі маладосць можа перажыць такое, - падзялілася Тамара Гвердцытэлі. - Суддзёй таксама быць няпроста. Таму мы прымалі калектыўныя рашэнні. Слава богу, што ў нас падабралася такое журы: прафесіяналы, музыканты, вядомыя артысты. І таму ўсе добразычлівыя".

Народная артыстка Расіі і Грузіі падкрэсліла ўнікальную асаблівасць конкурсу на "Славянскім базары" - выкананне ў першы дзень фіналу песень у суправаджэнні аркестра. Як вопытны артыст, у якога за плячыма больш за 8 гадоў практыкі такіх выступленняў, яна ведае, наколькі гэта няпроста для маладых выканаўцаў. "Для мяне першы дзень быў паказальным. Хлопцы і дзяўчаты справіліся, яны ўсе былі выдатныя. Таму я старалася заахвочваць іх сваімі ацэнкамі, - растлумачыла Тамара Гвердцытэлі. - Адзільхан вылучыўся адразу. Гэта надзвычай таленавіты спявак, адораны і па вакалу, і па артыстызму. У ім ёсць сіла, ён бясспрэчны лідар. Але і астатнія моцныя, таму было складана выбіраць. Калі было б можна, я яшчэ больш прэмій прысудзіла б".

Цяпер маладым артыстам трэба будзе пакараць новыя вяршыні, а для гэтага неабходна прадаўжаць вельмі шмат працаваць, сказала на заканчэнне Тамара Гвердцытэлі.-0-

Версія для друку
Навіны рубрыкі Культура
Топ-навіны
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Кіеў
Ліда
Мінск
Магілёў
Магілёў
Мозыр
Масква
Орша
Полацк
Рыга
Санкт-Пецярбург
Салігорск
Салігорск

Інфаграфіка

Асеннія кірмашы Сезон асенніх кірмашоў адкрываецца ў Беларусі. Усяго запланавана больш за 150 кірмашоў