Мабільная версія
ДЗЯРЖОРГАНЫ
Апошнія навіны
Усе навіны

Лукашэнка падтрымаў назначэнне выбараў у мясцовыя Саветы дэпутатаў на 18 лютага 2018 года

Прэзідэнт 14.11.2017 | 13:31

14 лістапада, Мінск /Міхаіл Маціеўскі - БЕЛТА/. Прэзідэнт Беларусі Аляксандр Лукашэнка сёння ў час рабочай сустрэчы са старшынёй Цэнтрвыбаркама Лідзіяй Ярмошынай падтрымаў прапанову назначыць выбары ў мясцовыя Саветы дэпутатаў на 18 лютага 2018 года, перадае карэспандэнт БЕЛТА.

Галоўнай тэмай сустрэчы сталі пытанні правядзення выбараў у мясцовыя Саветы дэпутатаў 28-га склікання. "Для мяне галоўнае - вызначыцца з датай, фінансаваннем і праектам указа, які павінен быць падпісаны. Я думаю, што сярэдзіна лютага, можа, нават і 18-ага, як мы гэта абмяркоўвалі, будзе нармальна. Усё ж такі люты - больш спакойны месяц", - сказаў Аляксандр Лукашэнка.

Закранаючы фінансаванне выбараў, Прэзідэнт падкрэсліў неабходнасць беражлівага расходавання сродкаў. На яго думку, сэканоміць можна за кошт правільнага падыходу да арганізацыі ўчасткаў. "Калі гэта ўчастак у школе, значыць, трэба зрабіць узорны ўчастак у школе. Калі гэта ўчастак у клубе, значыць, зрабіць узорны ўчастак у клубе. Усё ж такі там асноўная "кухня". Мы пастараемся гэта зрабіць за кошт таго, што ў нас, у прынцыпе, усё гатова з тых выбараў, каб ні урны не выкідвалі, ні кабінкі - усё гэта ёсць на месцы", - адзначыў кіраўнік дзяржавы.

Аляксандр Лукашэнка таксама акцэнтаваў увагу на заработнай плаце членаў камісій. "Зарплата людзей, звязаных з выбарамі, - гэта святое", - заявіў ён.

"Мы сустрэнемся яшчэ з вамі і губернатарамі. Адміністрацыі Прэзідэнта я даручыў быць побач, каб арганізацыйныя меры маглі на месцы ажыццявіць: падрыхтаваць участкі і да таго падобнае. Усё ж такі гэта палітычная кампанія, і Адміністрацыя павінна сваю работу зрабіць, а Цэнтрвыбаркам павінен у адпаведнасці з законам арганізаваць выбары: бюлетэні, семінары, навучанне кіраўнікоў участковых камісій", - дадаў Прэзідэнт.

Кіраўнік дзяржавы падкрэсліў, што ўлада створыць усе ўмовы для правядзення выбараў на дастойным узроўні. "Утойваць нічога не будзем. Хто гатовы ісці на выбары, няхай ідзе, - сказаў Аляксандр Лукашэнка. - Усе ўзроўні ўлады будуць працаваць у тым напрамку, у якім Цэнтрвыбаркам абазначыць, як гэта і было заўсёды".-0-

Бюджэт выбараў у мясцовыя Саветы дэпутатаў 28-га склікання складзе каля $10,5 млнБюджэт выбараў у мясцовыя Саветы дэпутатаў 28-га склікання складзе каля ,5 млн
"Бюджэт выбараў складае практычна тую ж суму, якая была патрачана ў 2014 годзе, - у валютным эквіваленце гэта каля ,5 млн. Калі гаварыць аб беларускай валюце, гэта дзесьці Br21,2 млн", - расказала Лідзія Ярмошына.
Асноўны ўпор на выбарах у мясцовыя Саветы дэпутатаў зробяць на нацыянальнае назіранне - ЯрмошынаАсноўны ўпор на выбарах у мясцовыя Саветы дэпутатаў зробяць на нацыянальнае назіранне - Ярмошына
"Асноўны, вядома, упор будзе рабіцца на нацыянальнае назіранне. Яно заўсёды з'яўляецца вельмі шматлікім. Думаю, што палітычныя партыі, грамадскія аб'яднанні і на гэты раз не падвядуць нас і праявяць дастатковую актыўнасць для арганізацыі назірання", - сказала Лідзія Ярмошына.
ЦВК апублікуе падрабязную інфармацыю аб выбарах у мясцовыя Саветы на сайце і ў газеце "СБ. Беларусь сегодня"ЦВК апублікуе падрабязную інфармацыю аб выбарах у мясцовыя Саветы на сайце і ў газеце "СБ. Беларусь сегодня"
"Заўтра Цэнтральная камісія правядзе сваё пасяджэнне і зацвердзіць каляндарны план правядзення ўсіх выбарчых мерапрыемстваў. Ён будзе апублікаваны як на сайце, так і ў газеце "Советская Белоруссия", - сказала Лідзія Ярмошына.

Версія для друку
Навіны рубрыкі Прэзідэнт
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Трэць жылля ў Беларусі будуецца для маючых патрэбу У студзені-кастрычніку 2017 года пабудавана 34,8 тыс. новых кватэр. Уведзена ў эксплуатацыю 3 050,6 тыс. кв.м агульнай плошчы жылля.