У 2018 годзе плануецца прышчапіць каля 40% насельніцтва (75% сярод груп рызыкі), у тым ліку за кошт мясцовых бюджэтаў і асабістых сродкаў грамадзян - 19%, уласных сродкаў прадпрыемстваў і арганізацый - 8%, рэспубліканскага бюджэту - 13%.
У бягучым сезоне чакаецца сярэдні ўзровень актыўнасці вірусаў грыпу. Ва ўзроставай структуры захваральнасці будуць пераважаць дзеці да 14 гадоў.
Каму паказана прышчэпка:
дзеці ва ўзросце ад 6 месяцаў да 3 гадоў;
дзеці і дарослыя з хранічнымі захворваннямі;
асобы з імунасупрэсіяй;
людзі старэйшыя за 65 гадоў;
цяжарныя;
медыцынскія работнікі;
дзеці і дарослыя, якія знаходзяцца ва ўстановах з кругласутачным рэжымам знаходжання;
работнікі абслугоўвання, устаноў адукацыі, гандлю і транспартных арганізацый.
Эфект ад вакцынацыі: у перыяд з лістапада 2017 года па сакавік 2018-га папярэджана больш як 135 тыс. выпадкаў грыпу (у тым ліку больш за 16 тыс. выпадкаў ускладненых форм); прадухілены эканамічны ўрон - $77 млн у эквіваленце, на кожны ўкладзены ў вакцынацыю долар быў атрыманы эфект у памеры $15,8 у эквіваленце.
Захваральнасць прышчэпленых асоб была ў 10,2 раза ніжэйшая, чым захваральнасць непрышчэпленых.
Масавая вакцынацыя прадоўжыцца да 1 снежня.
Крыніца: Рэспубліканскі цэнтр гігіены, эпідэміялогіі і грамадскага здароўя.