Лес у Беларусі займае амаль 40% тэрыторыі - 9,5 млн га.
Прыродная структура лясоў Беларусі:
сасна - 50,3%,
елка - 9,2%,
дуб - 3,4%,
бяроза - 23,2%,
вольха - 8,5%,
асіна - 2,1%,
іншыя - 3,3%.
Акцыя "Тыдзень лесу" пройдзе ў Беларусі з 1 па 8 красавіка па ініцыятыве Міністэрства лясной гаспадаркі. У 2017 годзе яна прысвечана аднаўленню лясоў, пашкоджаных стыхійнымі бедствамі.
Месца правядзення акцыі - больш за 900 аб'ектаў* ва ўсіх рэгіёнах Беларусі.
Дабравольцы могуць:
пасадзіць дрэва,
закласці памятную алею, сквер,
прывесці ў парадак месцы адпачынку ў лесе.
Аб сваім удзеле ў акцыі ўжо заявілі дэпутаты Палаты прадстаўнікоў і Савета Рэспублікі, прадстаўнікі міністэрстваў энергетыкі, надзвычайных сітуацый, антыманапольнага рэгулявання і гандлю, сельскай гаспадаркі, аховы здароўя, спорту і турызму, пагранічнага і следчага камітэтаў, Нацбанка і многія іншыя.
Усяго гэтай вясной плануецца стварыць новыя лясы на плошчы 25,5 тыс. га. У тым ліку на тэрыторыях, пашкоджаных ураганам у ліпені 2016 года, будзе пасаджана 5 тыс. га лесу.
* Кантактныя тэлефоны і спісы аб'ектаў размешчаны на сайце Міністэрства лясной гаспадаркі па адрасе https://www.mlh.by/.
Крыніца: Міністэрства лясной гаспадаркі Беларусі.