Аблвыканкамы зацвердзілі тэрміны нарыхтоўкі дзікарослых ягад брусніц і журавін. Збіраць брусніцы дазволена ўжо з бягучага тыдня па ўсёй краіне. Жадаючым накіравацца па журавіны засталося пачакаць лічаныя дні.
У Брэсцкай вобласці дазволена збіраць журавіны з 3 верасня,
Віцебскай - з 6 верасня,
Гомельскай - з 28 жніўня,
Гродзенскай - з 5 верасня,
Мінскай - з 10 верасня,
Магілёўскай - з 3 верасня.
Правілы збору:
нарыхтоўка дзікарослых ягад дазволена на любых участках ляснога фонду, за выключэннем тых, дзе такі від лесакарыстання забаронены або абмежаваны ў адпаведнасці з заканадаўствам Беларусі;
забараняецца прымяняць розныя механічныя прыстасаванні (шуфлікі, грабяні і да таго падобнае), якія наносяць пашкоджанні зараснікам ягадніку і зніжаюць ураджай ягад у наступныя гады.
За парушэнне тэрмінаў або правіл збору дзікарослых ягад прадугледжаны санкцыі:
для фізічных асоб - папярэджанне або штраф - да 20 БВ*,
індывідуальных прадпрымальнікаў - штраф да 100 БВ,
юрыдычных асоб - да 500 БВ.
* БВ - базавая велічыня, цяпер складае Br21.
Крыніца: Дзяржінспекцыя аховы жывёльнага і расліннага свету пры Прэзідэнце Беларусі.