Самазагаранне можа адбыцца з любым мабільным тэлефонам, незалежна ад вытворцы і мадэлі. Часцей за ўсё прычынай з'яўляецца кароткае замыканне ўнутры акумулятара.
Як зроблены звычайны літый-іонны акумулятар:
электроды - анод на меднай фользе і катод на алюмініевай фользе;
раздзяляльнік, прамочаны электралітам;
герметычны корпус.
Як адбываецца самазагаранне тэлефона:
1. У выніку пашкоджання раздзяляльніка катод судакранаецца з анодам, і адбываецца кароткае замыканне.
2. Акумулятар награваецца да 70-90 градусаў. Літый уступае ў рэакцыю з электралітам, выдзяляючы этан, метан, этылен.
3. Калі тэмпература дасягае 180-200 градусаў, матэрыял катода выдзялят кісларод. Адбываецца самазагаранне і рэзкі скачок тэмпературы, разбураецца абалонка самога акумулятара.
Меры засцярогі:
выкарыстоўваць толькі арыгінальныя батарэі і зарадныя ўстройствы;
берагчы смартфон ад моцных удараў;
пазбягаць трапляння вады пад корпус;
не дапускаць працяглага ўздзеяння высокіх тэмператур*.
* Нармальныя ўмовы работы акумулятара - да 50-60 градусаў вышэй за нуль.
Крыніца: паводле даных з адкрытых крыніц.