13 чэрвеня скончыўся прыём прапаноў па дапрацоўцы праекта дэкрэта "Аб дзяржаўным рэгуляванні абароту тытунёвых вырабаў і электронных сістэм курэння".
Асноўныя новаўвядзенні праекта дэкрэта
забарона курэння:
у грамхарчы,
на балконах і ў лоджыях,
на прыпынках і пасажырскіх платформах,
у аўтамабілях і памяшканнях, калі ў іх прысутнічаюць дзеці да 14 гадоў,
на дзіцячых пляцоўках,
на рабочых месцах,
на тэрыторыі дзіцячых лагераў,
на гандлёвых аб'ектах;
забарона рэкламы электронных сістэм курэння і штрафы за выкарыстанне парагенератараў у непрызначаным месцы;
выключнае права дзяржавы на імпарт вадкасцей для курэння з 2019 года.
Пры абмеркаванні паступіла больш за 190 прапаноў.
Насельніцтва Беларусі, якое курыць, складае 29,6%, у тым ліку 45,8% мужчын і 15,8% жанчын.
Чвэрць насельніцтва падтрымлівае існуючыя абмежаванні тытунекурэння. Яшчэ трэць упэўнена, што існуючых абмежаванняў недастаткова*.
* Па выніках маніторынгу Інстытута сацыялогіі НАН Беларусі ў красавіку-маі 2017 года.
Крыніца: Нацыянальны прававы інтэрнэт-партал, НАН Беларусі.