Дзмітрый Пяскоў. Фота з архіва ТАСС
28 лістапада, Мінск /Кар. БЕЛТА/. Вашынгтон накіраваў Маскве параметры свайго мірнага плана па Украіне, скарэкціраваныя па выніках амерыкана-ўкраінскіх кансультацый у Жэневе. Аб гэтым заявіў на брыфінгу прэс-сакратар прэзідэнта РФ Дзмітрый Пяскоў, інфармуе ТАСС.
"Асноўныя параметры былі перададзены - і на наступным тыдні будзе ў Маскве размова", - адзначыў Дзмітрый Пяскоў.
Адказваючы на просьбу пракаменціраваць канкрэтныя параметры ўрэгулявання ва Украіне, якія пакуль толькі абмяркоўваюцца, прадстаўнік Крамля падкрэсліў: "Мы не хочам забягаць наперад і весці абмеркаванне ў такім публічным, мегафонным фармаце".
Пяскоў не стаў называць дакладную дату прыезду спецпасланніка прэзідэнта ЗША Стывена Уіткафа ў Маскву, паабяцаўшы, што аб гэтым СМІ будуць праінфармаваны, калі настане час.
23 лістапада ЗША і Украіна правялі кансультацыі па мірным плане Вашынгтона, які складаецца з 28 пунктаў. Дзяржсакратар Марка Рубіа назваў праведзеную сустрэчу самай плённай за ўвесь час канфлікту. Украінскія СМІ паведамлялі, што Вашынгтон і Кіеў змаглі ўзгадніць большую частку плана. Як адзначаў Рубіа, ЗША згадзіліся вылучыць у асобны перагаворны трэк пункты аб еўрапейскай інтэграцыі Украіны і яе членства ў НАТА.
Прэзідэнт Расіі Уладзімір Пуцін адзначаў, што амерыканскі план можа быць пакладзены ў аснову ўкраінскага ўрэгулявання.-0-
"Асноўныя параметры былі перададзены - і на наступным тыдні будзе ў Маскве размова", - адзначыў Дзмітрый Пяскоў.
Адказваючы на просьбу пракаменціраваць канкрэтныя параметры ўрэгулявання ва Украіне, якія пакуль толькі абмяркоўваюцца, прадстаўнік Крамля падкрэсліў: "Мы не хочам забягаць наперад і весці абмеркаванне ў такім публічным, мегафонным фармаце".
Пяскоў не стаў называць дакладную дату прыезду спецпасланніка прэзідэнта ЗША Стывена Уіткафа ў Маскву, паабяцаўшы, што аб гэтым СМІ будуць праінфармаваны, калі настане час.
23 лістапада ЗША і Украіна правялі кансультацыі па мірным плане Вашынгтона, які складаецца з 28 пунктаў. Дзяржсакратар Марка Рубіа назваў праведзеную сустрэчу самай плённай за ўвесь час канфлікту. Украінскія СМІ паведамлялі, што Вашынгтон і Кіеў змаглі ўзгадніць большую частку плана. Як адзначаў Рубіа, ЗША згадзіліся вылучыць у асобны перагаворны трэк пункты аб еўрапейскай інтэграцыі Украіны і яе членства ў НАТА.
Прэзідэнт Расіі Уладзімір Пуцін адзначаў, што амерыканскі план можа быць пакладзены ў аснову ўкраінскага ўрэгулявання.-0-
Падпісвайцеся на нас у
