Фота СЭЗ "Гроднаінвест"
11 лютага, Гродна /Кар. БЕЛТА/. Пагадненне аб супрацоўніцтве падпісана паміж адміністрацыяй свабоднай эканамічнай зоны "Гроднаінвест" і Карпарацыяй інвестыцыйнага развіцця Смаленскай вобласці. Аб гэтым БЕЛТА паведамілі ў СЭЗ "Гроднаінвест".
Сёння ў бізнес-цэнтры СЭЗ "Гроднаінвест" адбылася дзелавая сустрэча з дэлегацыяй Смаленскай вобласці Расійскай Федэрацыі на чале з намеснікам старшыні ўрада Смаленскай вобласці Аляксеем Стральцовым. Яе вынікам стала падпісанне пагаднення аб супрацоўніцтве паміж адміністрацыяй СЭЗ "Гроднаінвест" і Карпарацыяй інвестыцыйнага развіцця Смаленскай вобласці.
У рамках сустрэчы быў прадстаўлены гандлёва-эканамічны патэнцыял і інвестыцыйныя магчымасці СЭЗ "Гроднаінвест" для бізнесу РФ. Асобна прадстаўлены праект па стварэнні індустрыяльнага парка "Гродна".
Арганізатарамі мерапрыемства выступілі адміністрацыя СЭЗ сумесна з Гродзенскім аддзяленнем БелГПП. У сустрэчы прынялі ўдзел прадстаўнікі прадпрыемстваў-рэзідэнтаў свабоднай эканамічнай зоны. Расійскі бок абмеркаваў з кіраўніцтвам прадпрыемстваў - рэзідэнтаў СЭЗ перспектыўныя напрамкі ўзаемадзеяння, ацаніў магчымасці прамысловай кааперацыі ў розных сектарах вытворчасці, а таксама выказаў зацікаўленасць у пастаўках беларускай прадукцыі на рынак Расійскай Федэрацыі. Таксама дэлегацыя Смаленскай вобласці наведала інвестыцыйную пляцоўку нумар 4, дзе азнаёмілася з ходам будаўніцтва індустрыяльнага парка "Гродна".
У "Гроднаінвест" дапоўнілі, што Расійская Федэрацыя - адзін з ключавых партнёраў СЭЗ. У 2025 годзе тавараабарот рэзідэнтаў СЭЗ са Смаленскай вобласцю Расійскай Федэрацыі склаў больш як $16 млн, з якіх больш за $10 млн - экспарт беларускіх тавараў.-0-
Сёння ў бізнес-цэнтры СЭЗ "Гроднаінвест" адбылася дзелавая сустрэча з дэлегацыяй Смаленскай вобласці Расійскай Федэрацыі на чале з намеснікам старшыні ўрада Смаленскай вобласці Аляксеем Стральцовым. Яе вынікам стала падпісанне пагаднення аб супрацоўніцтве паміж адміністрацыяй СЭЗ "Гроднаінвест" і Карпарацыяй інвестыцыйнага развіцця Смаленскай вобласці.
У рамках сустрэчы быў прадстаўлены гандлёва-эканамічны патэнцыял і інвестыцыйныя магчымасці СЭЗ "Гроднаінвест" для бізнесу РФ. Асобна прадстаўлены праект па стварэнні індустрыяльнага парка "Гродна".
Арганізатарамі мерапрыемства выступілі адміністрацыя СЭЗ сумесна з Гродзенскім аддзяленнем БелГПП. У сустрэчы прынялі ўдзел прадстаўнікі прадпрыемстваў-рэзідэнтаў свабоднай эканамічнай зоны. Расійскі бок абмеркаваў з кіраўніцтвам прадпрыемстваў - рэзідэнтаў СЭЗ перспектыўныя напрамкі ўзаемадзеяння, ацаніў магчымасці прамысловай кааперацыі ў розных сектарах вытворчасці, а таксама выказаў зацікаўленасць у пастаўках беларускай прадукцыі на рынак Расійскай Федэрацыі. Таксама дэлегацыя Смаленскай вобласці наведала інвестыцыйную пляцоўку нумар 4, дзе азнаёмілася з ходам будаўніцтва індустрыяльнага парка "Гродна".
У "Гроднаінвест" дапоўнілі, што Расійская Федэрацыя - адзін з ключавых партнёраў СЭЗ. У 2025 годзе тавараабарот рэзідэнтаў СЭЗ са Смаленскай вобласцю Расійскай Федэрацыі склаў больш як $16 млн, з якіх больш за $10 млн - экспарт беларускіх тавараў.-0-
Падпісвайцеся на нас у
