5 лютага, Мінск /Кар. БЕЛТА/. У Пекіне за год да пачатку зімовых Алімпійскіх гульняў арганізатары прадставілі факел галоўных стартаў чатырохгоддзя, паведамілі БЕЛТА ў прэс-службе НАК Беларусі.
Адзін з з сімвалаў Алімпіяды-2022 выраблены з вугляроднага валакна, распрацаванага кітайскай кампаніяй Sinopec, і нагадвае дзве стужкі, якія паднімаюцца знізу ўверх па спіралі, адна з іх - чырвоная, другая - серабрыстага колеру.
Паводле задумы арганізатараў, серабрысты і чырвоны колеры сімвалізуюць сустрэчу лёду і полымя. Факел упрыгожаны эмблемай Beijing 2022 ("Пекін 2022") і алімпійскімі кольцамі.
Для Паралімпійскіх зімовых гульняў распрацаваны аналагічны дызайн факела, але ён выкананы ў чырвоным і залацістым колерах.
Зімовыя Алімпійскія Гульні пройдуць у Кітаі з 4 па 20 лютага 2022 года. Медалі будуць разыграны ў сямі відах спорту, у 109 дысцыплінах. Упершыню на гульнях будуць прадстаўлены спаборніцтвы ў жаночым слаўпстайле (фрыстайл), мужчынскім і жаночым біг-эйры (снаўборд), змешанай эстафеце ў шорт-трэку і жаночых адзіночных заездах у бабслеі.
Талісманам будучых стартаў стане панда Бін Дуньдунь.-0-