ДЗЯРЖОРГАНЫДЗЯРЖОРГАНЫ
Флаг Панядзелак, 25 кастрычніка 2021
Мінск Ясна +3°C
Усе навіны
Усе навіны
Спорт
28 верасня 2021, 14:46

Ясінскі вызначыўся са складам маладзёжнай зборнай Беларусі па футболе на матчы кваліфікацыі ЧЕ

Сяргей Ясінскі. Фота ФК "Віцебск"
Сяргей Ясінскі. Фота ФК "Віцебск"

28 верасня, Мінск /Кар. БЕЛТА/. Галоўны трэнер маладзёжнай зборнай Беларусі (U-21) па футболе Сяргей Ясінскі назваў канчатковы склад каманды на кастрычніцкія матчы адборачнага турніру чэмпіянату Еўропы, паведамляе карэспандэнт БЕЛТА.

Да будучых сустрэч з камандамі Грэцыі і Ліхтэнштэйна будуць рыхтавацца 24 ігракі:

варатары - Арцём Макаўчык ("Энергетык-БДУ", Мінск), Даніла Сокал ("Арсенал", Дзяржынск), Данііл Шапко ("Смаргонь");

абаронцы - Данііл Мірашнікоў ("Энергетык-БДУ", Мінск), Раман Вегера ("Арсенал", Дзяржынск), Мікіта Халімончык ("Нёман", Гродна), Мікіта Супрановіч (БАТЭ, Барысаў), Дзяніс Гружэўскі ("Тарпеда-БелАЗ", Жодзіна), Аляксей Шалашнікаў ("Іслач", Мінскі раён), Дзмітрый Прышчэпа ("Крылы Саветаў", Самара, Расія);

паўабаронцы - Андрэй Рылач ("Энергетык-БДУ", Мінск), Яўген Гулецкі ("Арсенал", Дзяржынск), Дзмітрый Сібілеў ("Смаргонь"), Валерый Бачароў, Андрэй Патапенка (абодва - "Слуцк"), Яраслаў Арашкевіч ("Дынама", Брэст), Раман Давыскіба ("Дынама", Мінск), Алег Нікіфарэнка ("Рух", Брэст), Аляксей Анцілеўскі ("Тарпеда-БелАЗ", Жодзіна), Віктар Сотнікаў ("Шахцёр", Салігорск);

нападаючыя - Аляксандр Шасцюк ("Дынама", Брэст), Уладзіслаў Ложкін ("Дынама", Мінск), Ягор Багамольскі ("Мінск"), Уладзіслаў Марозаў ("Іслач", Мінскі раён).

Каманда збярэцца 4 кастрычніка і будзе рыхтавацца на базе ў Стайках. Свой трэці паядынак у кваліфікацыйнай групе D беларускія футбалісты правядуць 8 кастрычніка ў Жодзіне з камандай Грэцыі, а 12 кастрычніка згуляюць у Барысаве супраць зборнай Ліхтэнштэйна. На старце адборачнага турніру зборная Беларусі пацярпела два паражэнні: ад равеснікаў з Ісландыі - 1:2 (дома), Партугаліі - 0:1 (у гасцях). Становішча каманд у гэтай групе цяпер такое: Кіпр - 7 ачкоў (3 матчы), Грэцыя - 5 (3), Ісландыя - 4 (2), Партугалія - 1 (3), Беларусь - 0 (2), Ліхтэнштэйн - 0 (3).

У фінальную стадыю маладзёжнага Еўра-2023 трапяць пераможцы дзевяці адборачных груп, а таксама лепшая з каманд, якія фінішуюць другімі. Астатнія восем зборных, якія зоймуць другія месцы, правядуць паядынкі плэй-оф за чатыры пуцёўкі ў фінал. Фінальная частка маладзёжнага кантынентальнага першынства з удзелам 16 лепшых каманд пройдзе на арэнах Грузіі і Румыніі, футбалісты якіх вызвалены ад адборачнага этапу.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі