Мабільная версія
ДЗЯРЖОРГАНЫ

Апошнія навіны
Усе навіны

У Беларусі з 28 жніўня падаражэюць званкі па гарадскім тэлефоне і паштовыя адпраўленні

Грамадства 19.08.2019 | 11:27
Фота з архіва
Фота з архіва

19 жніўня, Мінск /Кар. БЕЛТА/. "Белтэлекам" і "Белпошта" з 28 жніўня павышаюць тарыфы на некаторыя паслугі. Пастанова Міністэрства антыманапольнага рэгулявання і гандлю ад 7 жніўня 2019 года нумар 66, якая прадугледжвае ўстанаўленне новых гранічных тарыфаў на паслугі электрасувязі (тэлефоннай сувязі) і паштовай сувязі агульнага карыстання, афіцыйна апублікавана на Нацыянальным прававым інтэрнэт-партале, паведамляе БЕЛТА.

Як растлумачылі ў "Белтэлекаме", цяпер тарыфы не забяспечваюць поўнага пакрыцця затрат на аказанне паслуг. З 28 жніўня рэгулюемыя тарыфы на паслугі тэлефоннай сувязі вырастуць у сярэднім на 8,4 працэнта.

"Белтэлекам" праводзіць актыўную мадэрнізацыю сваіх сетак: устарэлыя медныя лініі сувязі замяняюць на оптавалаконныя па тэхналогіі GPON, абанентаў у гарадской і сельскай мясцовасці пераключаюць на сучасную IMS-платформу. Гэтыя мерапрыемствы садзейнічаюць зніжэнню сабекошту аказваемых паслуг і павелічэнню пакрыцця затрат даходамі ад рэгулюемых паслуг мясцовай тэлефоннай сувязі", - адзначылі ў кампаніі.

Пры гэтым павышэнне рэгулюемых тарыфаў не закране іншыя паслугі, якія прадастаўляюцца "Белтэлекамам", у тым ліку інтэрнэту і тэлебачання.

Што датычыцца тарыфаў на паслугі паштовай сувязі, то перасылка паштовай карткі, пісьма або бандэролі масай да 20 г для фізічных асоб падаражэе з Br0,48 да Br0,54. За кожныя наступныя поўныя або няпоўныя 20 г масы пісьма або бандэролі трэба будзе даплачваць не чатыры капейкі, а пяць.

Для юрыдычных асоб і ІП перасылка паштовай карткі, пісьма і бандэролі да 20 г падаражэе на пяць капеек - да Br0,45. За кожныя наступныя поўныя або няпоўныя 20 г масы пісьма або бандэролі давядзецца даплаціць 4,17 капейкі (цяпер - 3,33 капейкі).-0-

Версія для друку
Навіны рубрыкі Грамадства
Топ-навіны
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Кіеў
Ліда
Мінск
Магілёў
Магілёў
Мозыр
Масква
Орша
Полацк
Рыга
Санкт-Пецярбург
Салігорск
Салігорск

Інфаграфіка

Беларусь - Расія: гандлёва-эканамічнае супрацоўніцтва Расія - асноўны гандлёвы партнёр Беларусі. Аб'ём знешняга гандлю таварамі з Расіяй у 2018 годзе ў параўнанні з 1996-м павялічыўся амаль у 5,5 раза.