Мабільная версія
ДЗЯРЖОРГАНЫ

Апошнія навіны
Усе навіны

У Беларусі рыхтуецца праграма будаўніцтва індывідуальнага жылля індустрыяльным спосабам

Грамадства 24.05.2019 | 12:13
Фота з архіва
Фота з архіва

24 мая, Мінск /Кар. БЕЛТА/. Мінбудархітэктуры Беларусі рыхтуе праграму будаўніцтва індывідуальнага жылля індустрыяльным спосабам, паведаміў начальнік упраўлення жыллёвай палітыкі міністэрства Аляксандр Аўраменка ў час круглага стала ў газеце "Рэспубліка", паведамляе БЕЛТА.

Паводле слоў Аляксандра Аўраменкі, у населеных пунктах будуць выдзяляцца ўчасткі зямлі для будаўніцтва аднапавярховых блакіраваных жылых дамоў. Як і ў шматкватэрным доме, іх прапануюць шматдзетным сем'ям, якія маюць патрэбу ў паляпшэнні жыллёвых умоў. Людзі атрымаюць у банку крэдыт, і сродкі пойдуць непасрэдна будаўнічым арганізацыям, што займаюцца будаўніцтвам такога жылля.

"Не кожны можа сам усё зрабіць. Таму цяпер міністэрства рыхтуе праграму развіцця будаўніцтва індывідуальнага жылля індустрыяльным спосабам", - расказаў Аляксандр Аўраменка.

Ён нагадаў, што для аказання дзяржаўнай падтрымкі малазабяспечаным грамадзянам пры атрыманні крэдытаў прадугледжаны гранічныя нарматывы кошту 1 кв. м агульнай плошчы жылога памяшкання. Размова ідзе аб Br718 пры крэдытаванні ў адпаведнасці з указамі нумар 13 "Аб некаторых пытаннях прадастаўлення грамадзянам дзяржаўнай падтрымкі пры будаўніцтве (рэканструкцыі) або набыцці жылых памяшканняў" і нумар 240 "Аб дзяржаўнай падтрымцы грамадзян пры будаўніцтве (рэканструкцыі) жылых памяшканняў". Гранічны нарматыў у памеры Br940 прадугледжаны пры крэдытаванні па ўказе нумар 346 "Аб некаторых мерах па развіцці жыллёвага будаўніцтва ў вёсцы".

"Пастаўлена задача, каб сярэдні кошт квадратнага метра не перавышаў сярэднюю зарплату ў краіне. Цяпер так і ёсць. Сярэдняя зарплата па краіне - Br1011, а сярэдні кошт квадратнага метра з дзяржпадтрымкай - Br836, без дзяржпадтрымкі - каля Br1403", - адзначыў Аляксандр Аўраменка. Ён дадаў, што міністэрства прапануе дазволіць выкарыстоўваць частку сямейнага капіталу датэрмінова на тыя сумы, якія крэдытуюцца не на льготных умовах.

У сваю чаргу намеснік старшыні Пастаяннай камісіі па жыллёвай палітыцы і будаўніцтве Палаты прадстаўнікоў Нацыянальнага сходу Дзмітрый Гурскі праінфармаваў, што ўрадам вядзецца работа па ўдасканаленні сістэм фінансавання для набыцця жылля як на другасным рынку, так і на першасным.

Усяго ў бягучым годзе ў Беларусі плануецца ўвесці 4 млн кв. м жылля, у тым ліку з дзяржаўнай падтрымкай 1 млн 60 тыс. кв. м. Заданні па ўводзе агульнай плошчы жылля павялічаны ўсім абласцям, акрамя Гродзенскай. У Мінску ў параўнанні з мінулым годам паказчык зніжаны на 50 тыс. кв. м і складзе 670 тыс. кв. м.

Значна ўзрасла доля кватэр, прызначаных для шматдзетных сем'яў. Калі два гады таму іх колькасць была крыху большая за 4 тыс., то ў 2018-м - 7 тыс., у 2019-м - 12 тыс. кватэр. Больш за ўсё такога жылля пабудуюць у Брэсцкай вобласці (больш за 2,5 тыс.). У Мінску змогуць вырашыць жыллёвае пытанне 1896 сем'яў (у мінулым годзе 900, у 2017-м - звыш 750 сем'яў). На фінансаванне жыллёвага будаўніцтва прадугледжана каля Br4,572 млрд.-0-

Версія для друку
Навіны рубрыкі Грамадства
Топ-навіны
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Магілёў
Мозыр
Масква
Орша
Полацк
Рыга
Санкт-Пецярбург
Салігорск
Салігорск

Інфаграфіка

Рэкамендацыі для тых, хто плануе паездкі ў Ізраіль Пры ўзнікненні спрэчных сітуацый на граніцы прасіць супрацоўнікаў міграцыйнай службы звязацца з запрашаючымі асобамі для пацвярджэння імі гатоўнасці прыняць вас ва ўзгодненыя тэрміны.