17 верасня, Мінск /Кар. БЕЛТА/. Міністр аховы здароўя Дзмітрый Піневіч сустрэўся са спецыялістамі ведамства, прадстаўнікамі лабараторый, якія праводзяць ПЛР-тэсты, тураператарамі, цэнтрамі эпідэміялогіі і іншымі зацікаўленымі, паведамляе БЕЛТА са спасылкай на Telegram-канал Міністэрства аховы здароўя.
На нарадзе абмеркавалі арганізацыю больш аператыўнай работы пры платных даследаваннях на COVID-19 для грамадзян, якія выязджаюць за межы Беларусі.
"Прынята рашэнне аб тым, што з асоб, якія выязджаюць за межы краіны, тураператарамі не будзе брацца дадатковая плата за правядзенне ПЛР-тэстаў", - удакладняецца ў паведамленні.-0-
