21 сакавіка, Мінск /Кар. БЕЛТА/. Згодна з планам падрыхтоўкі Паўночна-заходняга аператыўнага камандавання ў 2022/2023 навучальным годзе пад кіраўніцтвам камандуючага Аляксандра Навуменкі праводзіцца сумесная штабная трэніроўка па тэме "Планаванне прымянення войскаў Паўночна-заходняга аператыўнага камандавання ў абарончай аперацыі". Аб гэтым БЕЛТА паведамілі ў прэс-службе Міністэрства абароны.
Мэтай трэніроўкі з'яўляецца павышэнне зладжанасці ўпраўленняў аператыўнага камандавання, злучэнняў і воінскіх часцей да ўзроўню, які дае магчымасць забяспечыць эфектыўную і якасную работу на этапе прыняцця рашэння і планавання абарончай аперацыі.
Сумесная штабная трэніроўка праводзіцца ў пунктах пастаяннай дыслакацыі. Яна стане адным з этапаў падрыхтоўкі службовых асоб органаў кіравання войскаў Паўночна-заходняга аператыўнага камандавання. Мерапрыемства накіравана на ўдасканаленне іх прафесійных навыкаў у планаванні прымянення падпарадкаваных войскаў па прызначэнні на аснове аналізу вынікаў сучасных узброеных канфліктаў, у тым ліку і спецаперацыі на тэрыторыі Украіны.-0-
