12 кастрычніка, Мінск /Кар. БЕЛТА/. Неабходна прапагандаваць у грамадстве традыцыйнае сямейнае выхаванне. Такое меркаванне журналістам выказала член Пастаяннай камісіі па правах чалавека, нацыянальных адносінах і сродках масавай інфармацыі Палаты прадстаўнікоў Наталля Тарасенка, перадае карэспандэнт БЕЛТА.
"Работа дэпутата ў акругах - гэта сустрэчы ў калектывах. І кожны раз, сустракаючыся з людзьмі рознага ўзросту, хочацца данесці пастулат: сям'я - у аснове ўсяго. У сям'і пачынаецца выхаванне дзіцяці, і наша першаснае стаўленне да дзіцяці, яго запатрабаванняў, інтарэсаў вызначае тое, якім наша дзіця вырасце ў будучым, - сказала Наталля Тарасенка. - Дзіця можа паўнацэнна развівацца на прыкладах маці або бацькі. Тата і мама - гэта сапраўдная, традыцыйная сям'я. І мы павінны зрабіць усё для таго, каб прапагандаваць правільнае, пазітыўнае сямейнае выхаванне".
Паводле слоў парламентарыя, павінен быць наладжаны канструктыўны дыялог паміж школай і сям'ёй. "Будучы дырэктарам школы, я заўсёды старалася, каб у нас у школе былі бацькі. Не дапускаць бацькоў у школьную адукацыю - гэта проста злачынства. Мы павінны навучыць нашых дзяцей ганарыцца бацькамі. У нашай школе была такая выдатная гульня па станцыях "Горад майстроў", і на кожнай станцыі майстрам быў адзін з бацькоў: пекар, педагог, медработнік. І паверце, гэта асабліва было значна для дзяцей з сем'яў часам нядобранадзейных. І тое добрае, сумленнае, сапраўднае, што ён убачыў у самым блізкім чалавеку, будзе суправаджаць яго ўсё жыццё, - дадала яна. - Таму хочацца пажадаць нашым сем'ям быць шчаслівымі і выхоўваць шчаслівых дзяцей. Якімі б нашы сем'і ні былі, бацькі ўкладаюць у паняцце "шчасце" практычна адны і тыя ж кампаненты. Якім павінна быць дзіця: добрым, клапатлівым, сумленным, шчырым. Не ўсялякай сям'і ўдаецца гэта прывесці ў пэўную форму. І мэта ўстаноў адукацыі, усёй сістэмы адукацыі - дашліфаваць, дапоўніць. Дзіця вучыцца таму, што бачыць у сябе дома. А мы гаворым: сям'я - гэта першы дом, а другі дом для нас - заўсёды школа. Таму будзем вучыць нашых дзяцей быць шчаслівымі".-0-
