Фота МУС
21 лістапада, Мінск /Кар. БЕЛТА/. Для забеспячэння ў краіне правапарадку ў нас ёсць усе магчымасці, уключаючы рэзервы. Аб гэтым заявіў міністр унутраных спраў Іван Кубракоў на камандна-штабных вучэннях з удзелам суб'ектаў дзяржаўнай сістэмы рэагавання. Аб гэтым БЕЛТА паведамілі ў МУС.
Іван Кубракоў пракантраляваў выкананне задач чарговага этапу вучэнняў у Магілёве. За мерапрыемствам таксама назіралі старшыня Магілёўскага аблвыканкама Анатоль Ісачанка, памочнік Прэзідэнта - інспектар па Магілёўскай вобласці Леанід Мартынюк, старшыня Следчага камітэта Дзмітрый Гара, намеснік міністра ўнутраных спраў - камандуючы ўнутранымі войскамі Мікалай Карпянкоў, начальнік УУС Магілёўскага аблвыканкама Ігар Шчарбачэня, кіраўнікі сілавых структур рэгіёна і тэрытарыяльных ОУС вобласці.
Сярод практычных уводных - затрыманне ўдзельнікаў несанкцыянаванага мерапрыемства, спыненне блакіроўкі праезнай часткі, групавых парушэнняў грамадскага парадку. Адпрацавана тактыка дзеянняў падраздзяленняў аператыўна-баявога прызначэння АМАП і ўнутраных войскаў па вызваленні населенага пункта, захопленага ўзброенымі бандытамі.
"Выпрацаваны дакладныя механізмы рэагавання на розныя сцэнарыі, пачынаючы з групавых парушэнняў грамадскага парадку і заканчваючы захопам будынкаў. Прадугледжваем сітуацыі, калі ў небяспецы могуць апынуцца члены выбарчых камісій, грамадзяне на вуліцы. Неабходна своечасова прымяніць спецыяльныя сродкі, узбраенне, тэхніку. І мы да гэтага гатовы! Падкрэслю, з улікам інфармацыі, якая ў нас ёсць, падобнае немагчыма. Аднак мы працуем на апярэджанне", - расказаў Іван Кубракоў.
Кіраўнік праваахоўнага ведамства таксама адзначыў, што ён вельмі добра разумее, як за мяжой адрэагуюць на гэтыя вучэнні. "Пасля вучэнняў за мяжой скажуць, што мы нечага чакаем, у грамадстве ёсць напружанасць. Нічога падобнага няма! Беларусь - астравок бяспекі. І бяспечна ў нас таму, што мы гатовы забяспечыць правапарадак. Для гэтага ў нас ёсць усе магчымасці, уключаючы рэзервы. Мы пастаянна вучымся, удасканальваемся", - падкрэсліў міністр.
Як паведамлялася раней, з 19 па 22 лістапада па даручэнні Прэзідэнта Беларусі пад эгідай дзяржаўнага сакратарыята Савета бяспекі пад кіраўніцтвам міністра ўнутраных спраў Івана Кубракова на тэрыторыі Беларусі праходзяць камандна-штабныя вучэнні з удзелам суб'ектаў дзяржаўнай сістэмы рэагавання. Мерапрыемствы ўключаюць тэарэтычную і практычную часткі. Этапы трэніровак запланаваны ў сталіцы, абласных і раённых цэнтрах. У ходзе вучэнняў праваахоўнікі прадэманструюць гатоўнасць да аператыўнага рэагавання на магчымыя ўскладненні абстаноўкі ў краіне ў час электаральнай кампаніі. Мэта ўводных задач - недапушчэнне праяў экстрэмізму і тэрарызму, уцягвання грамадзян у проціпраўныя дзеянні, спыненне парушэнняў грамадскага парадку.-0-
Іван Кубракоў пракантраляваў выкананне задач чарговага этапу вучэнняў у Магілёве. За мерапрыемствам таксама назіралі старшыня Магілёўскага аблвыканкама Анатоль Ісачанка, памочнік Прэзідэнта - інспектар па Магілёўскай вобласці Леанід Мартынюк, старшыня Следчага камітэта Дзмітрый Гара, намеснік міністра ўнутраных спраў - камандуючы ўнутранымі войскамі Мікалай Карпянкоў, начальнік УУС Магілёўскага аблвыканкама Ігар Шчарбачэня, кіраўнікі сілавых структур рэгіёна і тэрытарыяльных ОУС вобласці.
Сярод практычных уводных - затрыманне ўдзельнікаў несанкцыянаванага мерапрыемства, спыненне блакіроўкі праезнай часткі, групавых парушэнняў грамадскага парадку. Адпрацавана тактыка дзеянняў падраздзяленняў аператыўна-баявога прызначэння АМАП і ўнутраных войскаў па вызваленні населенага пункта, захопленага ўзброенымі бандытамі.
"Выпрацаваны дакладныя механізмы рэагавання на розныя сцэнарыі, пачынаючы з групавых парушэнняў грамадскага парадку і заканчваючы захопам будынкаў. Прадугледжваем сітуацыі, калі ў небяспецы могуць апынуцца члены выбарчых камісій, грамадзяне на вуліцы. Неабходна своечасова прымяніць спецыяльныя сродкі, узбраенне, тэхніку. І мы да гэтага гатовы! Падкрэслю, з улікам інфармацыі, якая ў нас ёсць, падобнае немагчыма. Аднак мы працуем на апярэджанне", - расказаў Іван Кубракоў.
Кіраўнік праваахоўнага ведамства таксама адзначыў, што ён вельмі добра разумее, як за мяжой адрэагуюць на гэтыя вучэнні. "Пасля вучэнняў за мяжой скажуць, што мы нечага чакаем, у грамадстве ёсць напружанасць. Нічога падобнага няма! Беларусь - астравок бяспекі. І бяспечна ў нас таму, што мы гатовы забяспечыць правапарадак. Для гэтага ў нас ёсць усе магчымасці, уключаючы рэзервы. Мы пастаянна вучымся, удасканальваемся", - падкрэсліў міністр.
Як паведамлялася раней, з 19 па 22 лістапада па даручэнні Прэзідэнта Беларусі пад эгідай дзяржаўнага сакратарыята Савета бяспекі пад кіраўніцтвам міністра ўнутраных спраў Івана Кубракова на тэрыторыі Беларусі праходзяць камандна-штабныя вучэнні з удзелам суб'ектаў дзяржаўнай сістэмы рэагавання. Мерапрыемствы ўключаюць тэарэтычную і практычную часткі. Этапы трэніровак запланаваны ў сталіцы, абласных і раённых цэнтрах. У ходзе вучэнняў праваахоўнікі прадэманструюць гатоўнасць да аператыўнага рэагавання на магчымыя ўскладненні абстаноўкі ў краіне ў час электаральнай кампаніі. Мэта ўводных задач - недапушчэнне праяў экстрэмізму і тэрарызму, уцягвання грамадзян у проціпраўныя дзеянні, спыненне парушэнняў грамадскага парадку.-0-
Падпісвайцеся на нас у
