26 студзеня, Мінск /Кар. БЕЛТА/. Старшыня Нацыянальнага статыстычнага камітэта Беларусі Іна Мядзведзева прыняла ўдзел у 64-м пасяджэнні Савета кіраўнікоў статыстычных службаў дзяржаў СНД, на якім было разгледжана пытанне аб старшыні Міждзяржаўнага статыстычнага камітэта СНД у сувязі з заканчэннем у 2022 годзе тэрміну паўнамоцтваў. Аб гэтым БЕЛТА паведамілі ў Белстаце.
Статкамітэтам СНД кіруюць старшыня і яго намеснікі з грамадзян дзяржаў - удзельніц СНД. Яны назначаюцца тэрмінам на тры гады. Старшыня выбіраецца Саветам кіраўнікоў статыстычных службаў дзяржаў СНД і зацвярджаецца Саветам кіраўнікоў урадаў СНД.
Па выніках абмеркавання большасцю галасоў вырашана выбраць на тры гады кіраўніком Міждзяржаўнага статкамітэта СНД намесніка кіраўніка Расстата Канстанціна Лайкама.
Таксама ўдзельнікі сустрэчы (яна праходзіла ў фармаце відэа-канферэнц-сувязі) адобрылі праект рашэння Савета кіраўнікоў урадаў СНД аб старшыні. Адпаведныя дакументы будуць перададзены ў Выканкам СНД ва ўстаноўленым парадку для зацвярджэння кандыдатуры на майскім пасяджэнні.-0-