Андрэй Іванец
23 кастрычніка, Мінск /Кар. БЕЛТА/. Міністр адукацыі Андрэй Іванец па выніках нарады Прэзідэнта Беларусі Аляксандра Лукашэнкі з кіраўніцтвам Савета Міністраў расказаў журналістам, як зменіцца прыём у магістратуру, перадае карэспандэнт БЕЛТА.
Міністр падкрэсліў, што беларуская адукацыя мае высокі імідж як унутры краіны, так і за яе межамі. Добрая якасць айчыннай адукацыі пацвярджаецца і значнай колькасцю замежных студэнтаў, якія вучацца ў беларускіх ВНУ. Магістратура, паводле слоў міністра, не з'яўляецца выключэннем. Агульная колькасць навучэнцаў у ёй - каля 10 тыс. чалавек, з якіх 6 тыс. - іншаземцы.
Як адна са ступеней паглыбленай вышэйшай адукацыі магістратура, безумоўна, застаецца, запэўніў Андрэй Іванец. Спецыялісты, якіх там рыхтуюць, патрэбны многім прадпрыемствам, якія ўкараняюць новыя тэхналогіі, навуковым арганізацыям.
Але на нарадзе ў Прэзідэнта размова ішла аб тым, каб падрыхтоўка кадраў у магістратуры была больш арыентавана на інтарэсы краіны і перш за ўсё эканомікі. "Кіраўнік дзяржавы сказаў, што трэба яшчэ раз сур'ёзна і ўзважана падысці да таго, каго мы рыхтуем, па якіх праграмах. І, самае галоўнае, гэта павінна адпавядаць інтарэсам нашай краіны і грамадства", - растлумачыў міністр.
Паводле яго слоў, у магістратуры захаваюцца ўсе тры траекторыі атрымання адукацыі: для грамадзян Беларусі будзе як бюджэтная, так і платная форма атрымання адукацыі, а таксама платная для іншаземцаў.
Аднак кантрольныя лічбы прыёму ў магістратуру будуць скарэкціраваны - яны будуць вызначацца ў строгай адпаведнасці з заказам з боку дзяржавы па аналогіі з тым, як гэта цяпер дзейнічае для ўніверсітэтаў і каледжаў. Калі раней ВНУ фарміравалі колькасць бюджэтных месцаў у магістратуры і пералік спецыяльнасцей, зыходзячы са свайго бачання, то цяпер сітуацыя зменіцца. Колькасць бюджэтных месцаў будзе залежаць ад запыту на пэўных спецыялістаў. "На конкурснай аснове кожны жадаючы будзе мець магчымасць паступіць на бюджэтную форму атрымання адукацыі ў магістратуры", - сказаў міністр.
Што датычыцца платнай формы навучання ў магістратуры для іншаземцаў, то тут ВНУ могуць набіраць неабходную колькасць навучэнцаў.
Яшчэ адно важнае змяненне, прынятае па выніках нарады, звязана з абавязковымі патрабаваннямі аб заканчэнні магістратуры для тых, хто хоча прадаўжаць навучанне ў аспірантуры або выкладаць у ВНУ. "Прэзідэнт яшчэ раз падкрэсліў, што тыя штучныя бар'еры, якія створаны для адораных, таленавітых дзяцей, павінны быць устаранёны. Размова ідзе аб тым, што тыя юнакі і дзяўчаты, якія зацікаўлены займацца навуковай, навукова-даследчай дзейнасцю, павінны мець магчымасць прыходзіць у аспірантуру без заканчэння магістратуры. І ў сувязі з гэтым кожны ўніверсітэт і вучоныя саветы павінны бачыць такіх студэнтаў і выдаваць адпаведныя рэкамендацыі", - адзначыў міністр.
"Тыя юнакі і дзяўчаты, якія хочуць пасля заканчэння ўніверсітэта застацца на выкладчыцкай дзейнасці ва ўніверсітэтах, яны таксама павінны мець такую магчымасць без абавязковага заканчэння магістратуры", - дадаў Андрэй Іванец.-0-
Міністр падкрэсліў, што беларуская адукацыя мае высокі імідж як унутры краіны, так і за яе межамі. Добрая якасць айчыннай адукацыі пацвярджаецца і значнай колькасцю замежных студэнтаў, якія вучацца ў беларускіх ВНУ. Магістратура, паводле слоў міністра, не з'яўляецца выключэннем. Агульная колькасць навучэнцаў у ёй - каля 10 тыс. чалавек, з якіх 6 тыс. - іншаземцы.
Як адна са ступеней паглыбленай вышэйшай адукацыі магістратура, безумоўна, застаецца, запэўніў Андрэй Іванец. Спецыялісты, якіх там рыхтуюць, патрэбны многім прадпрыемствам, якія ўкараняюць новыя тэхналогіі, навуковым арганізацыям.
Але на нарадзе ў Прэзідэнта размова ішла аб тым, каб падрыхтоўка кадраў у магістратуры была больш арыентавана на інтарэсы краіны і перш за ўсё эканомікі. "Кіраўнік дзяржавы сказаў, што трэба яшчэ раз сур'ёзна і ўзважана падысці да таго, каго мы рыхтуем, па якіх праграмах. І, самае галоўнае, гэта павінна адпавядаць інтарэсам нашай краіны і грамадства", - растлумачыў міністр.
Паводле яго слоў, у магістратуры захаваюцца ўсе тры траекторыі атрымання адукацыі: для грамадзян Беларусі будзе як бюджэтная, так і платная форма атрымання адукацыі, а таксама платная для іншаземцаў.
Аднак кантрольныя лічбы прыёму ў магістратуру будуць скарэкціраваны - яны будуць вызначацца ў строгай адпаведнасці з заказам з боку дзяржавы па аналогіі з тым, як гэта цяпер дзейнічае для ўніверсітэтаў і каледжаў. Калі раней ВНУ фарміравалі колькасць бюджэтных месцаў у магістратуры і пералік спецыяльнасцей, зыходзячы са свайго бачання, то цяпер сітуацыя зменіцца. Колькасць бюджэтных месцаў будзе залежаць ад запыту на пэўных спецыялістаў. "На конкурснай аснове кожны жадаючы будзе мець магчымасць паступіць на бюджэтную форму атрымання адукацыі ў магістратуры", - сказаў міністр.
Што датычыцца платнай формы навучання ў магістратуры для іншаземцаў, то тут ВНУ могуць набіраць неабходную колькасць навучэнцаў.
Яшчэ адно важнае змяненне, прынятае па выніках нарады, звязана з абавязковымі патрабаваннямі аб заканчэнні магістратуры для тых, хто хоча прадаўжаць навучанне ў аспірантуры або выкладаць у ВНУ. "Прэзідэнт яшчэ раз падкрэсліў, што тыя штучныя бар'еры, якія створаны для адораных, таленавітых дзяцей, павінны быць устаранёны. Размова ідзе аб тым, што тыя юнакі і дзяўчаты, якія зацікаўлены займацца навуковай, навукова-даследчай дзейнасцю, павінны мець магчымасць прыходзіць у аспірантуру без заканчэння магістратуры. І ў сувязі з гэтым кожны ўніверсітэт і вучоныя саветы павінны бачыць такіх студэнтаў і выдаваць адпаведныя рэкамендацыі", - адзначыў міністр.
"Тыя юнакі і дзяўчаты, якія хочуць пасля заканчэння ўніверсітэта застацца на выкладчыцкай дзейнасці ва ўніверсітэтах, яны таксама павінны мець такую магчымасць без абавязковага заканчэння магістратуры", - дадаў Андрэй Іванец.-0-
Падпісвайцеся на нас у
