Мабільная версія
ДЗЯРЖОРГАНЫ

Апошнія навіны
Усе навіны

Лукашэнка ў Іўі паглядзеў выступленне ансамбля народнай музыкі і дзіцячы спектакль

Прэзідэнт 21.08.2019 | 13:22
У час дзіцячага спектакля
У час дзіцячага спектакля

21 жніўня, Іўе /Кар. БЕЛТА/. Прэзідэнт Беларусі Аляксандр Лукашэнка сёння, наведваючы Іўеўскі раён Гродзенскай вобласці, паглядзеў фрагмент дзіцячага спектакля і выступленне ансамбля народнай музыкі ў Іўеўскім цэнтры культуры, перадае карэспандэнт БЕЛТА.

Кіраўнік дзяржавы азнаёміўся з арганізацыяй работы і структурай установы, а затым яму паказалі фрагмент дзіцячага спектакля "Ніхто не паверыць" па матывах казкі Яна Экхальма. Спектакль быў пастаўлены ўзорным тэатральным калектывам Іўеўскай дзіцячай школы мастацтваў. Прэзідэнт таксама паглядзеў выступленне народнага ансамбля музыкі "Чабарок". Калектыў, які складаецца з 11 чалавек, быў створаны ў 1988 годзе.

"Малайцы! Спяваеце не проста добра, а вельмі!" - падзяліўся ўражаннямі Аляксандр Лукашэнка. Маладым тэатралам жа Прэзідэнт параіў паступаць у Акадэмію мастацтваў. Усім артыстам ад імя кіраўніка дзяржавы быў падораны шакалад "Прэзідэнт".

Затым Аляксандр Лукашэнка наведаў Цэнтр рамёстваў і выстаўку майстроў народнай творчасці. Адным з галоўных напрамкаў работы цэнтра з'яўляецца захаванне традыцыйнай культуры: саломапляценне, аплікацыі саломкай, вышыўкі, адраджэння беларускай лялькі, выцінанкі, ткацтва паясоў.

Прэзідэнт падкрэсліў, што неабходна захоўваць народную творчасць і берагчы традыцыйную культуру Беларусі. Свае навыкі і ўменні старэйшыя павінны перадаваць новаму пакаленню, адзначыў ён. "Галоўнае, каб перадалі моладзі. Я вельмі падтрымліваю гэта", - сказаў Аляксандр Лукашэнка.

Кіраўніку дзяржавы ў Цэнтры рамёстваў падарылі саламяны "капялюш" - традыцыйны беларускі капялюш, зроблены народным майстрам з аграгарадка Лелюкі Верай Чурэйна. "Падышоў!" - ацаніў падарунак Прэзідэнт і ў сваю чаргу ўручыў майстрам свой любімы шакалад.

На базе Іўеўскага цэнтра культуры і правядзення вольнага часу працуюць чатыры самадзейныя калектывы са званнем народны: хор, тэатр, ансамбль музыкі "Чабарок", тэатр ігры "Зялёны фургон". Тут таксама праводзіць рэпетыцыі ўзорны тэатральны калектыў аматарскай творчасці Іўеўскай дзіцячай школы мастацтваў. У склад установы ўваходзіць Цэнтр рамёстваў, адным з напрамкаў работы якога з'яўляецца захаванне традыцыйнай культуры: саломапляцення, аплікацыі саломкай, вышыўкі, адраджэння беларускай лялькі, выцінанкі, ткацтва паясоў. Пры цэнтры рамёстваў працуе раённы клуб майстроў народнай творчасці "Скарбніца" і майстэрня па рэканструкцыі беларускага строю.-0-

Версія для друку
Навіны рубрыкі Прэзідэнт
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Кіеў
Ліда
Мінск
Магілёў
Магілёў
Мозыр
Масква
Орша
Полацк
Рыга
Санкт-Пецярбург
Салігорск
Салігорск

Інфаграфіка

Асеннія кірмашы Сезон асенніх кірмашоў адкрываецца ў Беларусі. Усяго запланавана больш за 150 кірмашоў