20 мая, Мінск /Кар. БЕЛТА/. Прэзідэнт Беларусі Аляксандр Лукашэнка прапануе стварыць з Магаданскай вобласцю сумесную вытворчасць у ювелірнай сферы. Аб гэтым ён заявіў на сустрэчы з губернатарам гэтага рэгіёна Расійскай Федэрацыі Сяргеем Носавым, перадае карэспандэнт БЕЛТА.
"У Беларусі дакладна выбудавана заканадаўства ў сферы прабірнага нагляду, абароту каштоўнасцей. Мы яшчэ з савецкіх часоў захавалі ювелірны завод "Крышталь" у Гомелі. Прадпрыемства мае шматгадовы вопыт работы з каштоўнымі металамі і камянямі. Выпускаецца шырокая гама прадукцыі, у тым ліку ювелірнай, з выкарыстаннем брыльянтаў беларускай агранкі", - адзначыў кіраўнік дзяржавы.
Ён прапанаваў прапрацаваць варыянты стварэння на базе гэтага прадпрыемства сумеснай вытворчасці на магаданскай сыравіне.
Сяргей Носаў расказаў, што ў ходзе візіту ў Беларусь мае намер наведаць завод "Крышталь". Ён расказаў, што ў Магаданскай вобласці ёсць кампаніі, дзе прадстаўлены поўны цыкл - ад геолагаразведкі, здабычы золата да выпуску ювелірных вырабаў. У тым ліку ёсць і прыродныя самародкі, якія выкарыстоўваюцца пры вырабе ювелірных упрыгажэнняў. "Супрацоўніцтва можа быць цікава ў тым ліку для нашых вытворцаў", - растлумачыў кіраўнік рэгіёна.-0-
Падпісвайцеся на нас у
