25 снежня, Мінск /Кар. БЕЛТА/. Прэзідэнт Беларусі Аляксандр Лукашэнка сёння ў час наведвання Гарадской дзіцячай інфекцыйнай клінічнай бальніцы Мінска прыгадаў аб нядаўнім затрыманні тэрарыстычнай групы Мікалая Аўтуховіча і адзначыў паспяховую работу спецслужбаў у спыненні адпаведнай супрацьпраўнай дзейнасці, перадае карэспандэнт БЕЛТА.
"Нядаўна мы затрымалі групу Аўтуховіча. Цяпер мы іх усе каналы выкрылі. Яны везлі тонамі зброю праз Украіну, - расказаў кіраўнік дзяржавы. - І калі б хлопцы нашы (я ўсіх загадаў да дзяржаўных узнагарод неадкладна прадставіць) іх не накрылі, ох нам бы Новы год быў... Я яго (Аўтуховіча. - Заўвага БЕЛТА), шчыра кажучы, недаацэньваў. Мне дакладваў Камітэт дзяржбяспекі. Ну, трэба, разбірайцеся з ім... Недаацэньваў. А вось калі вывернулі навыварат..."
"Рыхтавалі тэракты па ўсёй краіне, і пачалі ўжо ажыццяўляць. На тым і пагарэлі. Чэкісты з міліцыяй праводзілі гэту аперацыю. Ну проста малайцы! Дзякуй богу, што затрымалі", - сказаў Аляксандр Лукашэнка.
Кіраўнік дзяржавы падкрэсліў, што пытанне спынення такой супрацьпраўнай дзейнасці трымаецца на строгім кантролі. "Ёсць некалькі груповачак яшчэ. Сваіх два-тры (чалавекі ў гэтых групоўках. - Заўвага БЕЛТА) ёсць, адтуль (з-за мяжы. - Заўвага БЕЛТА) прысылаюць нам. Праз Украіну. Праз Польшчу, Літву цяпер вельмі складана - граніцу закрылі наглуха. І з Украінай цяпер закрылі ўжо, мыш не прапаўзе. Праз Расію іншым разам пранікаюць, у нас граніцы няма. Але ўжо не тое. Мы гэта пытанне трымаем строга на кантролі".-0-
