Фота МЗС
16 студзеня, Мінск /Кар. БЕЛТА/. Дэлегацыя Беларусі 15 студзеня выступіла з заявай на пасяджэнні Пастаяннага савета АБСЕ ў адказ на выступленне старшыні АБСЕ, кіраўніка Федэральнага дэпартамента замежных спраў Швейцарыі Іньяцыа Касіса, паведамляе БЕЛТА.
"Са старшынствам у АБСЕ швейцарская дыпламатыя атрымлівае шанц унесці свой практычны ўклад у разрадку ўзрастаючай напружанасці ў Еўропе", - заявіў пастаянны прадстаўнік Беларусі Андрэй Дапкюнас, вітаючы, але не віншуючы швейцарскіх калег з пачаткам старшынства ў АБСЕ. Дыпламат растлумачыў: "У сённяшніх умовах віншаванні наўрад ці дарэчныя. З гонарам выкананае старшынства - гэта не прагулка, а чорная, часта няўдзячная работа. Мы шчыра жадаем швейцарскаму старшынству паслядоўнасці і настойлівасці ў сумленным выкананні няпростых абавязкаў непрадузятага пасрэдніка і адказнага каардынатара работы ў арганізацыі".
"Падзеі ў свеце апошніх гадоў, і асабліва апошніх тыдняў, пераканаўча паказваюць, што існуючы на працягу пасляваенных дзесяцігоддзяў светапарадак карэнным чынам мяняецца. Апеляванне ў такой сітуацыі да даўніх міждзяржаўных абавязацельстваў зразумелае і правамернае. Аднак такія адсылкі могуць супакоіць сумленне, але яны наўрад ці здольны практычна паўплываць на тое, куды рухаецца наш свет. Грозныя геапалітычныя выклікі сучаснасці выклікаюць ва ўсіх зразумелую трывогу. Як з імі саўладаць?" - адзначыў Андрэй Дапкюнас.
"Мы лічым, што для руху наперад нам не абысціся без сумленнага і, магчыма, балючага асэнсавання таго, што ж адбылося з намі і з нашым светам, асэнсавання таго, што мы зрабілі не так, - прадоўжыў пастаянны прадстаўнік Беларусі. - Зрабіць гэта неабходна для таго, каб звесці да мінімуму далейшыя разбуральныя наступствы перафармаціравання міжнародных адносін і паспрабаваць зноў накіраваць іх у канструктыўнае, прадказальнае рэчышча. Пакуль у многіх еўрапейскіх сталіцах такога асэнсавання не адбылося. Наадварот, сёння ў Еўропе пераважае логіка ваеннай эскалацыі".
Андрэй Дапкюнас прадоўжыў: "Нягледзячы на неаднаразовыя заклікі Беларусі, да гэтага часу не адбылася такая сумленная калектыўная размова і ў АБСЕ. Размова аб вытоках, генезісе цяперашняй сітуацыі, размова, кіруемая жаданнем лепш зразумець заклапочанасць і апасенні адзін аднаго. Мы павінны прызнаць: без гатоўнасці выслухаць і зразумець свайго апанента любая дыскусія абяцае нулявую аддачу".
На яго думку, нягледзячы на ўсе цяжкасці ўзаемадзеяння ў АБСЕ, старшынства магло б паспрабаваць арганізаваць такую размову. "Магчыма, яна магла б адбыцца ў рамках запланаванага старшынствам абмеркавання гістарычнай спадчыны Канферэнцыі па бяспецы і супрацоўніцтве ў Еўропе. Калі ў кулуарах арганізацыі гавораць аб тым, які год стане для АБСЕ апошнім, было б няправільна планаваць работу ў традыцыйным рэчышчы. Нельга сур'ёзна весці размовы аб садзейнічанні ўмацаванню супрацоўніцтва, калі без адказу застаюцца базавыя пытанні аб тым, як спыніць безразважнасць варожасці і нянавісці і павольнае спаўзанне свету да ваеннай катастрофы", - заявіў беларускі дыпламат.
"Каб спыніць гэту безразважнасць, нам усім разам трэба паспрабаваць пераадолець спрошчанае, чорна-белае бачанне свету. Свету, падзеленага на сваіх і ворагаў, на гаспадароў гэтага свету і тых, на чые чаканні і інтарэсы можна не звяртаць увагі, - падкрэсліў Андрэй Дапкюнас. - Такі першабытны светапогляд ужо двойчы кідаў свет у бездань сусветных войнаў. Вядома, у першую чаргу гэта задача для нашых дзяржаўных лідараў. Аднак, мы мяркуем, і АБСЕ можа адыграць сваю ролю. Як? Беларусь прапануе зрабіць галоўны акцэнт на аднаўленні ў АБСЕ якасці міждзяржаўнага ўзаемадзеяння".
"Такія змяненні ў штаб-кватэры ў Вене маглі б дапамагчы палепшыць узаемадзеянне паміж нашымі сталіцамі, - выказаў меркаванне пастаянны прадстаўнік Беларусі. - Пачаць можна з малога. Прапануем адмовіцца ад выкарыстання форумаў АБСЕ ў якасці рэкламнай прапагандысцкай трыбуны, адысці ад палітычнага тэатра ў АБСЕ. Прапануем зрабіць акцэнт не на дзяжурных мерапрыемствах (часта з нулявой аддачай), а на збалансаваным фармуляванні парадку дня пасяджэнняў Пастаяннага савета і Форуму па супрацоўніцтве ў галіне бяспекі з улікам інтарэсаў і заклапочанасці ўсіх дзяржаў-удзельніц".
Разам з гэтым беларускі дыпламат падкрэсліў: "На жаль, мяркуючы па тэме скліканага спецыяльнага пасяджэння Пастаяннага савета, швейцарскаму старшынству пакуль аказалася не пад сілу пайсці супраць меркавання большасці і прапанаваць узважаную кансэнсусную фармулёўку пункта аб Украіне. А кансэнсус у нашай рабоце крытычна важны".
Беларусь прапануе забяспечыць падкрэслена жорсткае выкананне рэгламенту арганізацыі і безумоўнае паважанне прынцыпу кансэнсусу без любых апраўданняў палітычнай мэтазгоднасцю.
"Гэта задача не для слабых духам", - рэзюмаваў Андрэй Дапкюнас.-0-
"Са старшынствам у АБСЕ швейцарская дыпламатыя атрымлівае шанц унесці свой практычны ўклад у разрадку ўзрастаючай напружанасці ў Еўропе", - заявіў пастаянны прадстаўнік Беларусі Андрэй Дапкюнас, вітаючы, але не віншуючы швейцарскіх калег з пачаткам старшынства ў АБСЕ. Дыпламат растлумачыў: "У сённяшніх умовах віншаванні наўрад ці дарэчныя. З гонарам выкананае старшынства - гэта не прагулка, а чорная, часта няўдзячная работа. Мы шчыра жадаем швейцарскаму старшынству паслядоўнасці і настойлівасці ў сумленным выкананні няпростых абавязкаў непрадузятага пасрэдніка і адказнага каардынатара работы ў арганізацыі".
"Падзеі ў свеце апошніх гадоў, і асабліва апошніх тыдняў, пераканаўча паказваюць, што існуючы на працягу пасляваенных дзесяцігоддзяў светапарадак карэнным чынам мяняецца. Апеляванне ў такой сітуацыі да даўніх міждзяржаўных абавязацельстваў зразумелае і правамернае. Аднак такія адсылкі могуць супакоіць сумленне, але яны наўрад ці здольны практычна паўплываць на тое, куды рухаецца наш свет. Грозныя геапалітычныя выклікі сучаснасці выклікаюць ва ўсіх зразумелую трывогу. Як з імі саўладаць?" - адзначыў Андрэй Дапкюнас.
"Мы лічым, што для руху наперад нам не абысціся без сумленнага і, магчыма, балючага асэнсавання таго, што ж адбылося з намі і з нашым светам, асэнсавання таго, што мы зрабілі не так, - прадоўжыў пастаянны прадстаўнік Беларусі. - Зрабіць гэта неабходна для таго, каб звесці да мінімуму далейшыя разбуральныя наступствы перафармаціравання міжнародных адносін і паспрабаваць зноў накіраваць іх у канструктыўнае, прадказальнае рэчышча. Пакуль у многіх еўрапейскіх сталіцах такога асэнсавання не адбылося. Наадварот, сёння ў Еўропе пераважае логіка ваеннай эскалацыі".
Андрэй Дапкюнас прадоўжыў: "Нягледзячы на неаднаразовыя заклікі Беларусі, да гэтага часу не адбылася такая сумленная калектыўная размова і ў АБСЕ. Размова аб вытоках, генезісе цяперашняй сітуацыі, размова, кіруемая жаданнем лепш зразумець заклапочанасць і апасенні адзін аднаго. Мы павінны прызнаць: без гатоўнасці выслухаць і зразумець свайго апанента любая дыскусія абяцае нулявую аддачу".
На яго думку, нягледзячы на ўсе цяжкасці ўзаемадзеяння ў АБСЕ, старшынства магло б паспрабаваць арганізаваць такую размову. "Магчыма, яна магла б адбыцца ў рамках запланаванага старшынствам абмеркавання гістарычнай спадчыны Канферэнцыі па бяспецы і супрацоўніцтве ў Еўропе. Калі ў кулуарах арганізацыі гавораць аб тым, які год стане для АБСЕ апошнім, было б няправільна планаваць работу ў традыцыйным рэчышчы. Нельга сур'ёзна весці размовы аб садзейнічанні ўмацаванню супрацоўніцтва, калі без адказу застаюцца базавыя пытанні аб тым, як спыніць безразважнасць варожасці і нянавісці і павольнае спаўзанне свету да ваеннай катастрофы", - заявіў беларускі дыпламат.
"Каб спыніць гэту безразважнасць, нам усім разам трэба паспрабаваць пераадолець спрошчанае, чорна-белае бачанне свету. Свету, падзеленага на сваіх і ворагаў, на гаспадароў гэтага свету і тых, на чые чаканні і інтарэсы можна не звяртаць увагі, - падкрэсліў Андрэй Дапкюнас. - Такі першабытны светапогляд ужо двойчы кідаў свет у бездань сусветных войнаў. Вядома, у першую чаргу гэта задача для нашых дзяржаўных лідараў. Аднак, мы мяркуем, і АБСЕ можа адыграць сваю ролю. Як? Беларусь прапануе зрабіць галоўны акцэнт на аднаўленні ў АБСЕ якасці міждзяржаўнага ўзаемадзеяння".
"Такія змяненні ў штаб-кватэры ў Вене маглі б дапамагчы палепшыць узаемадзеянне паміж нашымі сталіцамі, - выказаў меркаванне пастаянны прадстаўнік Беларусі. - Пачаць можна з малога. Прапануем адмовіцца ад выкарыстання форумаў АБСЕ ў якасці рэкламнай прапагандысцкай трыбуны, адысці ад палітычнага тэатра ў АБСЕ. Прапануем зрабіць акцэнт не на дзяжурных мерапрыемствах (часта з нулявой аддачай), а на збалансаваным фармуляванні парадку дня пасяджэнняў Пастаяннага савета і Форуму па супрацоўніцтве ў галіне бяспекі з улікам інтарэсаў і заклапочанасці ўсіх дзяржаў-удзельніц".
Разам з гэтым беларускі дыпламат падкрэсліў: "На жаль, мяркуючы па тэме скліканага спецыяльнага пасяджэння Пастаяннага савета, швейцарскаму старшынству пакуль аказалася не пад сілу пайсці супраць меркавання большасці і прапанаваць узважаную кансэнсусную фармулёўку пункта аб Украіне. А кансэнсус у нашай рабоце крытычна важны".
Беларусь прапануе забяспечыць падкрэслена жорсткае выкананне рэгламенту арганізацыі і безумоўнае паважанне прынцыпу кансэнсусу без любых апраўданняў палітычнай мэтазгоднасцю.
"Гэта задача не для слабых духам", - рэзюмаваў Андрэй Дапкюнас.-0-
Падпісвайцеся на нас у
