Важна, каб у склад парламента ўваходзіла актыўная адукаваная моладзь. Такое меркаванне карэспандэнту БЕЛТА выказала настаўніца сярэдняй школы нумар 1 Фаніпаля Ірына Коваль, якая прыняла ўдзел у датэрміновым галасаванні на выбарах дэпутатаў Палаты прадстаўнікоў.
Ірына Коваль пераканана, што ў парламенце павінна быць больш маладых дэпутатаў. "Моладзь у Беларусі актыўная, адукаваная, патрыятычная. Я ёй давяраю", - падкрэсліла яна.
Галасаваць датэрмінова для Ірыны Коваль і яе сям'і - ужо добрая традыцыя. "Зручна. Прагаласаваў датэрмінова і потым нядзелю, калі ў Беларусі звычайна праходзяць выбары, можаш планаваць па сваім меркаванні", - адзначыла субяседніца. Дачка вучыцца ў Мінску. Ёй 19 гадоў і цяперашнія выбары для яе першыя, у якіх яна можа прымаць удзел як выбаршчык. І дзяўчына ўжо гэта зрабіла, не змяняючы сямейнай традыцыі, - датэрмінова.
