Настасся Зімянкова. Фота Мінспорту
1 лютага, Мінск /Кар. БЕЛТА/. Беларускія спартсмены заваявалі чатыры медалі на традыцыйным міжнародным турніры па вольнай барацьбе "Кубак Івана Ярыгіна" ў Краснаярску, паведамляе карэспандэнт БЕЛТА.
У заключны дзень спаборніцтваў серабро нашай камандзе прынесла Настасся Зімянкова. У час турніру ў катэгорыі да 76 кг беларуска перамагла дзвюх дзяўчат з Манголіі і адну саперніцу з Кыргызстана, але ў фінале ўступіла яшчэ адной прадстаўніцы Манголіі Тараў Туўшынжаргал. Таксама на медаль у вазе да 125 кг у хлопцаў прэтэндаваў наш Дзяніс Храмянкоў, у паядынку за трэцяе месца беларус прайграў расіяніну Іналу Гаглоеву.
Такім чынам, з Краснаярска наша каманда прывязе адну залатую, дзве сярэбраныя і адну бронзавую ўзнагароды. Раней пераможцам Кубка Ярыгіна стала Ксенія Цярэня (да 65 кг), другое месца ў катэгорыі да 50 кг заняла Наталля Варакіна, а Арыян Цютрын быў трэцім у вазе да 57 кг. Увогуле спартсмены разыгралі 20 камплектаў узнагарод.
Удзел у спаборніцтвах прынялі барцы з Расіі, Беларусі, Азербайджана, Балгарыі, Бразіліі, Грэцыі, Грузіі, Егіпта, Індыі, Казахстана, Кітая, КНДР, Кыргызстана, Кубы, Манголіі, Рэспублікі Карэя, Паўночнай Македоніі, Таджыкістана, Турцыі, Туркменістана і Узбекістана. Нашу краіну прадставілі 18 спартсменаў.-0-
У заключны дзень спаборніцтваў серабро нашай камандзе прынесла Настасся Зімянкова. У час турніру ў катэгорыі да 76 кг беларуска перамагла дзвюх дзяўчат з Манголіі і адну саперніцу з Кыргызстана, але ў фінале ўступіла яшчэ адной прадстаўніцы Манголіі Тараў Туўшынжаргал. Таксама на медаль у вазе да 125 кг у хлопцаў прэтэндаваў наш Дзяніс Храмянкоў, у паядынку за трэцяе месца беларус прайграў расіяніну Іналу Гаглоеву.
Такім чынам, з Краснаярска наша каманда прывязе адну залатую, дзве сярэбраныя і адну бронзавую ўзнагароды. Раней пераможцам Кубка Ярыгіна стала Ксенія Цярэня (да 65 кг), другое месца ў катэгорыі да 50 кг заняла Наталля Варакіна, а Арыян Цютрын быў трэцім у вазе да 57 кг. Увогуле спартсмены разыгралі 20 камплектаў узнагарод.
Удзел у спаборніцтвах прынялі барцы з Расіі, Беларусі, Азербайджана, Балгарыі, Бразіліі, Грэцыі, Грузіі, Егіпта, Індыі, Казахстана, Кітая, КНДР, Кыргызстана, Кубы, Манголіі, Рэспублікі Карэя, Паўночнай Македоніі, Таджыкістана, Турцыі, Туркменістана і Узбекістана. Нашу краіну прадставілі 18 спартсменаў.-0-
Падпісвайцеся на нас у
