17 студзеня, Масква /Эдуард Півавар – БЕЛТА/. Еўразійская эканамічная камісія 22 студзеня ў Мінску на пляцоўцы Палаца культуры Мінскага аўтамабільнага завода правядзе прэзентацыю новага механізма фінансавання прамысловай кааперацыі ў Еўразійскім эканамічным саюзе, паведамілі БЕЛТА ў прэс-службе ЕЭК.
"Член Калегіі (міністр) па прамысловасці і аграпрамысловым комплексе ЕЭК Артак Камалян, адказны за распрацоўку і ўкараненне новага механізма, падрабязна раскажа аб тым, як будзе рэалізоўвацца праграма падтрымкі шматбаковых праектаў. Удзельнікі прэзентацыі даведаюцца, якім крытэрыям павінен адпавядаць кааперацыйны праект для атрымання фінансавай падтрымкі, якія патрабаванні ўстаноўлены для пазычальніка і фінансавых арганізацый, якія галіны рэальнага сектара з’яўляюцца прыярытэтнымі для аказання падтрымкі", - адзначылі ў прэс-службе.
Плануецца, што ў мерапрыемстве прымуць удзел прадстаўнікі дзяржаўных органаў, прамысловых прадпрыемстваў, фінансавых арганізацый, галіновых аб’яднанняў, а таксама Гандлёва-прамысловай палаты Беларусі. Да ўдзелу ў прэзентацыі запрашаюцца прадпрыемствы і кампаніі, зацікаўленыя ў развіцці кааперацыйнага супрацоўніцтва з партнёрамі па Еўразійскім эканамічным саюзе.
Палажэнне аб адборы сумесных кааперацыйных праектаў у галінах прамысловасці і аказанні фінансавага садзейнічання пры іх рэалізацыі дзяржавамі – членамі ЕАЭС было зацверджана 26 кастрычніка 2023 года Еўразійскім міжурадавым саветам.-0-
