26 ліпеня, Мінск /Кар. БЕЛТА/. Беларускія аграрыі намалацілі 2,127 млн т збожжа, паведамляе БЕЛТА са спасылкай на аператыўную інфармацыю Міністэрства сельскай гаспадаркі і харчавання.
Паводле даных на 26 ліпеня, аграрыямі Брэсцкай вобласці намалочана 722,7 тыс. т збожжа, Мінскай - 446,3 тыс. т. У Гродзенскай і Гомельскай абласцях намалочана 457,9 тыс. т і 264,4 тыс. т збожжа адпаведна, у Магілёўскай - 152,8 тыс. т, у Віцебскай, якая апошняй уключылася ў жніво, - 83,4 тыс. т.
Збожжавыя і зернебабовыя (акрамя кукурузы, грэчкі і проса) убраны з 640,9 тыс. га, што складае 29,6 працэнта ад агульнай плошчы. Лідарам па-ранейшаму з'яўляецца Брэсцкая вобласць, дзе ўбрана 58 працэнтаў плошчаў.
У сярэднім з аднаго гектара ў гэтым годзе аграрыі ўбіраюць 33,2 ц збожжа.-0-