Мабільная версія
ДЗЯРЖОРГАНЫ

Апошнія навіны
Усе навіны

IFMC прадставіць у Віцебску сусветную прэм'еру "Вія" і "Ганну Карэніну" ў новай трактоўцы

Культура 16.10.2019 | 13:08
Фота Цэнтра культуры "Віцебск"
Фота Цэнтра культуры "Віцебск"

16 кастрычніка, Віцебск /Вольга Багачова - БЕЛТА/. Артыстаў з Беларусі, Бельгіі, Іспаніі, Нідэрландаў, Расіі і Украіны збярэ ў Віцебску XXXII Міжнародны фестываль сучаснай харэаграфіі (IFMC), паведамілі карэспандэнту БЕЛТА ў Цэнтры культуры "Віцебск".

IFMC пройдзе з 18 па 23 лістапада. На адкрыцці гледачы ўбачаць легендарную "Ганну Карэніну" - пластычны спектакль без слоў у выкананні артыстаў Маскоўскага дзяржаўнага акадэмічнага тэатра імя Вахтангава. Рэжысёр спектакля Анжаліка Холіна прадставіць сваю трактоўку рамана - жанчына не павінна быць прадметам задавальнення мужчынскага самалюбства.

У цэлым афіша IFMC-2019 прадстаўлена рознафарматнымі пастаноўкамі. 19-20 лістапада адбудзецца сусветная прэм'ера балета "Вій" у выкананні акадэмічнага тэатра "Кіеў Мадэрн-балет". Пастаноўка будзе прадстаўлена адразу на дзвюх сцэнах: на віцебскай - IFMC і мінскай - Вялікі тэатр оперы і балета. 21 лістапада адбудзецца паказ работы бельгійскага харэографа Яна Мартэнса Sweet Baby Sweeet, заснаваны на розных мовах руху - ёга, цыркавая акрабатыка і нават рок-н-рол. Пермскі дзяржаўны тэатр "Балет Яўгена Панфілава" прывязе дзве прэм'еры: аднаактовыя балеты "Лабірынт" і "Чалавек паветра". На закрыцці фестывалю 23 лістапада будзе прадстаўлены лепшы спектакль міжнароднага форуму танца Tanzmesse-2018 у Дзюсельдорфе - Oskara ў выкананні кампаніі танца Kukai Dantza (Іспанія).

Асноўнай падзеяй IFMC-2019 стане беларускі конкурс сучаснай харэаграфіі, заяўкі на які прымаюцца да 21 кастрычніка. Дарэчы, адна з іх ад трыа з пагранічных войскаў Беларусі. Работы фіналістаў паклоннікі фестывалю ўбачаць 22 лістапада.

У дні фестывалю адбудуцца інтэрактыўныя лекцыі, тэарэтычныя майстар-класы, семінары, круглыя сталы. Традыцыйна ў фае канцэртнай залы "Віцебск" будуць экспанавацца выстаўкі.

Заснавальнікі - Віцебскі аблвыканкам, Міністэрства культуры, Віцебскі гарвыканкам, Нацыянальны акадэмічны Вялікі тэатр оперы і балета Беларусі. Арганізатар - Цэнтр культуры "Віцебск".-0-

Версія для друку
Навіны рубрыкі Культура
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Кіеў
Ліда
Мінск
Магілёў
Магілёў
Мозыр
Масква
Орша
Полацк
Рыга
Санкт-Пецярбург
Салігорск
Салігорск

Інфаграфіка

Партрэт кандыдата ў дэпутаты Усяго арганізаваны 5831 участак для галасавання, з якіх 46 за межамі краіны. Агульная колькасць выбаршчыкаў - 6 880 605 чалавек, з якіх за мяжой 3 682 чалавекі.