28 ліпеня, Мінск /Кар. БЕЛТА/. Страшэнны тэракт у французскай Ніцы прымушае ўвесь свет узмацняць меры бяспекі. Як паведамляе ТАСС са спасылкай на газету "Стампа", МУС Італіі з мэтай умацавання бяспекі павялічвае кантроль над цэрквамі і пляжамі.
Удакладняецца, што ведамства выдала спецыяльнае распараджэнне аб устанаўленні асаблівага кантролю над цэрквамі, турыстычнымі месцамі і асабліва пляжамі, а таксама школамі, культурнымі і адукацыйнымі цэнтрамі.
Прэфектам было даручана прадаставіць спіс месц масавага збору людзей і планы тэатраў, кінатэатраў, камерцыйных цэнтраў для вызначэння маршрутаў уцёку магчымых тэрарыстаў, пляцовак для прызямлення верталётаў і пад'ездаў для машын хуткай дапамогі.
Вядома, што ўлады Італіі прымаюць меры па прадухіленні тэрарыстычнай пагрозы, сярод якіх маніторынг турмаў.-0-
