24 мая, Мінск /Кар. БЕЛТА/. Прэзідэнт Турцыі Рэджэп Таіп Эрдаган зацвердзіў склад новага Кабінета міністраў, паведамляюць інфармагенцтвы.
Сёння прэм'ер-міністр і лідар кіруючай "Партыі справядлівасці і развіцця" краіны Біналі Йылдырым сустрэўся з кіраўніком Турэцкай Рэспублікі. Ён перадаў прэзідэнту Эрдагану спіс новага ўрада. Турэцкі лідар яго адобрыў, а гэта азначае афіцыйнае ўступленне Йылдырым на пасаду прэм'ера.
Пазней прэм'ер абнародаваў склад новага ўрада, у якім адбыліся істотныя перастаноўкі. Так, толькі некаторыя ключавыя міністры засталіся на сваіх пасадах. У іх лік увайшлі кіраўнікі МЗС Меўлют Чавушаглу, МУС Эфкан Ала, энергетыкі і прыродных рэсурсаў Берат Албайрак, юстыцыі Бекір Баздаг, фінансаў Наджы Агбал.
Новымі членамі ўрада сталі міністр фінансаў Наджы Агбал, міністр абароны Фікры Ышык, міністр эканомікі Ніхайт Зейбекчы, міністр культуры і турызму Набі Авджы, міністр па справах ЕС Амер Чэлік.
Адзінай жанчынай у новым урадзе стала Фатма Бецюль Саян Кая. Яна будзе адказваць за работу Міністэрства па справах сям'і і сацыяльнай палітыцы.
Цяпер на працягу пяці дзён Йылдырым павінен прадставіць спіс урада прэзідыуму парламента і агучыць праграму сацыяльна-эканамічнага развіцця краіны. Потым пройдзе галасаванне аб вотуме давер'я ўраду.-0-
