Фота Pixabay
8 красавіка, Мінск /Кар. БЕЛТА/. Цяперашні стан Сены не дае магчымасці праводзіць спаборніцтвы па водных відах спорту ў ходзе парыжскай Алімпіяды. Да такой высновы прыйшла французская экалагічная некамерцыйная арганізацыя Surfrider Europe, якая выступіла з заявай у сацыяльнай сетцы X, паведамляе ТАСС.
"Мы не можам згадзіцца з правядзеннем спаборніцтваў па плаванні або нейкіх мерапрыемстваў на Сене з прычыны яе сённяшняга стану, - адзначаецца ў заяве. - Мы лічым абсалютна недапушчальным рызыкаваць здароўем удзельнікаў Алімпійскіх гульняў".
Прадстаўнікі арганізацыі заявілі, што ажыццяўляюць маніторынг вады ў Сене з верасня 2023 года. У паведамленні адзначаецца, што для даследавання ў незалежнай лабараторыі былі ўзяты 14 проб з ракі. Аднак ні адна з іх не адпавядае еўрапейскім нормам адносна якасці вады.
У жніўні 2023 года на Сене павінен быў прайсці этап Кубка свету па плаванні ў адкрытай вадзе ў рамках падрыхтоўкі да Алімпійскіх гульняў. Аднак спаборніцтва было адменена з-за празмернага ўзроўню забруджвання вады ў сталічнай рацэ. Разам з тым улады Парыжа запэўніваюць, што робяць усё магчымае, каб Сена стала прыдатнай для купання.
Алімпійскія гульні пройдуць у Парыжы з 26 ліпеня па 11 жніўня.-0-
"Мы не можам згадзіцца з правядзеннем спаборніцтваў па плаванні або нейкіх мерапрыемстваў на Сене з прычыны яе сённяшняга стану, - адзначаецца ў заяве. - Мы лічым абсалютна недапушчальным рызыкаваць здароўем удзельнікаў Алімпійскіх гульняў".
Прадстаўнікі арганізацыі заявілі, што ажыццяўляюць маніторынг вады ў Сене з верасня 2023 года. У паведамленні адзначаецца, што для даследавання ў незалежнай лабараторыі былі ўзяты 14 проб з ракі. Аднак ні адна з іх не адпавядае еўрапейскім нормам адносна якасці вады.
У жніўні 2023 года на Сене павінен быў прайсці этап Кубка свету па плаванні ў адкрытай вадзе ў рамках падрыхтоўкі да Алімпійскіх гульняў. Аднак спаборніцтва было адменена з-за празмернага ўзроўню забруджвання вады ў сталічнай рацэ. Разам з тым улады Парыжа запэўніваюць, што робяць усё магчымае, каб Сена стала прыдатнай для купання.
Алімпійскія гульні пройдуць у Парыжы з 26 ліпеня па 11 жніўня.-0-