Сцяг Аўторак, 19 сакавіка 2024
Усе навіны
Усе навіны
Грамадства
22 мая 2018, 12:54

Жорсткія меры дазволілі значна знізіць узровень наркапагрозы ў Беларусі - Шуневіч

22 мая, Мінск /Міхаіл Маціеўскі - БЕЛТА/. Прыняцце жорскіх мер у барацьбе з распаўсюджваннем наркотыкаў дазволіла значна знізіць узровень гэтай пагрозы ў Беларусі. Аб гэтым заявіў сёння журналістам міністр унутраных спраў Ігар Шуневіч па выніках даклада Прэзідэнту Беларусі Аляксандру Лукашэнку, перадае карэспандэнт БЕЛТА.

"Мой даклад быў заснаваны на статыстыцы, якая сведчыць аб тым, што мы змаглі шляхам жорсткіх, дзесьці неардынарных прававых і практычных мер зменшыць наркапагрозу ў краіне, прычым значна. Яе вывелі на такі ўзровень, які дазваляе гаварыць аб тым, што мы адэкватна адрэагавалі на выклікі і пагрозы, створаныя наркаэкспансіяй у нашай дзяржаве", - сказаў Ігар Шуневіч.

Гаворачы пра дыферэнцыраванне адказнасці за ўжыванне і збыт наркотыкаў, міністр адзначыў, што яно ў пэўнай меры ўжо існуе. "Адпаведны артыкул Крымінальнага кодэкса размяжоўвае саставы злачынства, прадугледжаныя за ўжыванне і збыт. За кожнае дзеянне прадугледжана асаблівая адказнасць - ад больш нізкай да высокай", - канстатаваў ён.

Ігар Шуневіч таксама праінфармаваў Прэзідэнта аб выніках работы ведамства ў бягучым годзе. Паводле слоў міністра, галоўныя трэнды, якія намеціліся яшчэ ў мінулым годзе, захоўваюцца: агульны ўзровень злачыннасці прадаўжае зніжацца.

На сустрэчы было разгледжана і супрацоўніцтва Міністэрства ўнутраных спраў Беларусі з краінамі блізкага і далёкага замежжа. Многія дзяржавы, звярнуў увагу Ігар Шуневіч, зацікаўлены пераймаць вопыт беларускіх праваахоўнікаў для забеспячэння грамадскай бяспекі. "У нас ёсць чым падзяліцца. На прагматычных дамоўленасцях, умовах гэтыя кантакты ў бліжэйшы час будуць рэалізаваны", - дадаў ён.-0-

Падпісвайцеся на нас у
Twitter
Топ-навіны
Свежыя навіны Беларусі