21 верасня, Мінск /Кар. БЕЛТА/. Жанчыны з розных рэгіёнаў Беларусі ўзнагароджаны ордэнам Маці за нараджэнне і выхаванне пяці і больш дзяцей. Адпаведны ўказ падпісаў кіраўнік дзяржавы Аляксандр Лукашэнка, паведамілі БЕЛТА ў прэс-службе беларускага лідара.
У ліку ўзнагароджаных медыцынская сястра - рэгістратар паліклінікі Іванаўскай цэнтральнай раённай бальніцы Людміла Барадзінчык, памочнік выхавальніка ўстановы адукацыі "Гезгалаўскі яслі-сад" Дзятлаўскага раёна Кацярына Задзярэй і разметчык Мінскага трактарнага завода Наталля Арапай.-0-