1 сакавіка, Мінск /Кар. БЕЛТА/. Беларусь і Грузія абмяркоўвалі магчымасці стварэння сумесных прадпрыемстваў па перапрацоўцы грузінскай сельгаспрадукцыі на беларускай тэрыторыі. Аб гэтым Прэзідэнт Беларусі Аляксандр Лукашэнка заявіў сёння на сустрэчы з прадстаўнікамі СМІ па выніках перагавораў з Прэзідэнтам Грузіі Георгіем Маргвелашвілі, перадае карэспандэнт БЕЛТА.
"Наша краіна зацікаўлена ў нарошчванні імпарту традыцыйных паўднёвых тавараў: фруктаў, агародніны, він. Абмяркоўваліся таксама магчымасці стварэння сумесных прадпрыемстваў па перапрацоўцы грузінскай сельгаспрадукцыі на беларускай тэрыторыі", - расказаў Аляксандр Лукашэнка.
Перспектыўнымі, на думку кіраўніка дзяржавы, з'яўляюцца праекты па забеспячэнні грузінскіх гарадоў беларускай камунальнай тэхнікай, ліфтавым абсталяваннем, а таксама пастаўкі прадукцыі лёгкай прамысловасці.-0-