Мабільная версія
ДЗЯРЖОРГАНЫ
Апошнія навіны
Усе навіны

Лукашэнка: узровень адносін Беларусі са скандынаўскімі краінамі неапраўдана нізкі

Прэзідэнт 22.05.2018 | 14:22

22 мая, Мінск /Міхаіл Маціеўскі - БЕЛТА/. Узровень адносін Беларусі са скандынаўскімі краінамі неапраўдана нізкі. Аб гэтым Прэзідэнт Беларусі Аляксандр Лукашэнка заявіў сёння, назначаючы кіраўнікоў дыпламатычных прадстаўніцтваў, перадае карэспандэнт БЕЛТА.

У прыватнасці, Прэзідэнт сёння назначыў Дзмітрыя Мірончыка Надзвычайным і Паўнамоцным Паслом Беларусі ў Швецыі, Аляксандра Лукашэвіча - на пасаду Надзвычайнага і Паўнамоцнага Пасла Беларусі ў Балгарыі і па сумяшчальніцтве ў Грэцыі і Рэспубліцы Кіпр, Вячаслава Качанава - Надзвычайным і Паўнамоцным Паслом Беларусі ў Эстоніі.

"І Эстонія, і Балгарыя - гэта блізкія нам дзяржавы. Яны добра да нас ставяцца, і людзі там разумеюць, ведаюць Беларусь. У Швецыі будзе крыху складаней, але, напэўна, і там ужо пэўны паварот у бок Беларусі адбыўся. І гэта тэндэнцыя будзе ўзмацняцца. Але са скандынаўскімі краінамі мы маем неапраўдана нізкі ўзровень адносін, а вучыцца ў іх можна шмат чаму: у фінаў, шведаў, нарвежцаў. Пачынаючы ад дрэваапрацоўкі і заканчваючы хакеем на злобу дня", - сказаў Аляксандр Лукашэнка.

Прэзідэнт канстатаваў, што ў дыпламатаў, назначаных пасламі ў гэтыя краіны, работы будзе дастаткова. "Швецыя для нас краіна вельмі важная, - падкрэсліў кіраўнік дзяржавы. - Няважна, што там некаторыя палітыкі вельмі палітызаваліся ўжо, усяляк бывае. Але выбудоўваць адносіны з імі трэба. Вы ведаеце, што дадатнае сальда ў тавараабароце - гэта аксіёма, мы на гэта павінны працаваць. Усё будзе добра, калі будзе эканоміка".

Як далажыў міністр замежных спраў Уладзімір Макей, тавараабарот Беларусі з Эстоніяй, як і з Балгарыяй, перасягае $100 млн. Гэта, на яго думку, далёка не мяжа. "Сальда ў нас з гэтымі краінамі дадатнае. Пастаўлена задача максімальна дабавіць", - адзначыў ён.

Перспектыўна развіваць супрацоўніцтва і са Швецыяй, лічыць міністр. "Але там, на жаль, трэба сапраўды прыкласці намаганні. У нас некаторы час адсутнічаў пасол з-за вядомых палітычных праблем. Але мы лічым, што гэта краіна перспектыўная", - сказаў Уладзімір Макей.

Прэзідэнт таксама назначыў сёння Уладзіміра Астапенку, пасла Беларусі ў Аргенціне і па сумяшчальніцтве ва Уругваі, паслом у Чылі па сумяшчальніцтве. Пасол Беларусі ў Інданезіі і па сумяшчальніцтве ў Малайзіі, Сінгапуры і Філіпінах Валерый Калеснік таксама будзе працаваць на пасадзе Пастаяннага прадстаўніка Рэспублікі Беларусь пры Асацыяцыі дзяржаў Паўднёва-Усходняй Азіі (АСЕАН) па сумяшчальніцтве.-0-

Версія для друку
Навіны рубрыкі Прэзідэнт
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Стадыён "Дынама" Стадыён "Дынама" быў афіцыйна адкрыты 12 чэрвеня 1934 года, рэканструяваны ў 1939 годзе, разбураны ў час Вялікай Айчыннай вайны. Новы стадыён пабудаваны ў 1947-1954 гадах.