Лукашэнка: аб перспектыўнасці адносін з Кітаем у Беларусі ведае кожны

16 мая, Пекін /Міхаіл Маціеўскі - БЕЛТА/. Аб перспектыўнасці адносін з Кітаем у Беларусі ведае кожны. Аб гэтым Прэзідэнт Беларусі Аляксандр Лукашэнка заявіў сёння на сустрэчы са Старшынёй КНР Сі Цзіньпінам ва ўрадавай рэзідэнцыі "Дзяаюйтай", перадае карэспандэнт БЕЛТА.

"Вы сапраўды дарагі друг нашай Беларусі. Напэўна, ужо няма ў Беларусі таго чалавека, які не ведае пра нашы адносіны, пра нашы перспектывы, пра вас як пра Старшыню гэтай вялікай краіны", - сказаў Аляксандр Лукашэнка.

Прэзідэнт звярнуў увагу, што рады сустрэчы, паколькі кожная з іх па-свойму асаблівая, сённяшняя не выключэнне. Дадатковую ўрачыстасць ёй надае той факт, што яна праводзіцца ў год 25-годдзя ўстанаўлення дыпламатычных адносін паміж краінамі.

Упершыню Аляксандр Лукашэнка прыехаў у Кітай у якасці кіраўніка дзяржавы ў 1995 годзе, і цяперашні візіт стаў юбілейным - дзясятым.

У сваю чаргу Старшыня КНР Сі Цзіньпін адзначыў, што Беларусь і Кітай дабіліся значных вынікаў у развіцці двухбаковага супрацоўніцтва і заўсёды дасягаюць кансэнсусу па прынцыповых пытаннях. "Я ўпэўнены ў добрай будучыні нашых адносін", - заявіў ён.-0-

Лукашэнка падзяліўся з Сі Цзіньпінам уражаннямі ад форуму "Адзін пояс і адзін шлях"

"Мы ганарымся тым, што былі першымі ў Еўропе і аднымі з першых у свеце, хто не проста падтрымаў ідэю "Аднаго пояса і аднаго шляху", а пачаў рэалізацыю гэтага маштабнага праекта на тэрыторыі Беларусі", - сказаў Аляксандр Лукашэнка.

Кітай прадоўжыць аказваць Беларусі дапамогу па будаўніцтве сацыяльнага жылля

Дамоўленасць была замацавана ў міжурадавым пагадненні аб тэхніка-эканамічнай дапамозе. Дакумент быў падпісаны ў прысутнасці лідараў дзвюх краін. З беларускага боку свой подпіс на ім паставіў міністр эканомікі Уладзімір Зіноўскі.

Беларусь і Кітай маюць намер стварыць рабочую групу па барацьбе з каляровымі рэвалюцыямі і тэрарызмам

Сумеснае развіццё беларуска-кітайскага супрацоўніцтва не абмяжоўваецца эканамічнай і інвестыцыйнай сферамі. Так, Беларусь усяляк падтрымлівае рашучасць Кітая браць на сябе абавязацельства абараняць мір ва ўсім свеце.

Беларусь і Кітай вывучаюць магчымасць узаемнага ўвядзення бязвізавага рэжыму да 30 дзён

"Цяпер міністэрствы замежных спраў дзвюх краін згодна з даручэннем будуць прадметна адпрацоўваць дакумент, магчымасці. Як правіла, трэба некалькі месяцаў, каб выйсці на рэалізацыю даручэння", - падагульніў Кірыл Руды.

Кітай можа выдзеліць Беларусі $1 млрд для завяршэння мадэрнізацыі НПЗ

Паводле слоў Сі Цзіньпіна, Кітай мае магчымасць аказаць Беларусі садзейнічанне ў гэтым пытанні. У сувязі з гэтым ён даручыў кіраўнікам профільных ведамстваў прапрацаваць гэта пытанне.