3 верасня, Мінск /Кар. БЕЛТА/. Парламенцкая дэлегацыя Ірана 6-8 верасня наведае Беларусь з афіцыйным візітам, паведамілі БЕЛТА ў прэс-службе Савета Рэспублікі.
Узначаліць дэлегацыю старшыня Сходу ісламскага савета Алі Ларыджані. Ён правядзе перагаворы са спікерам Савета Рэспублікі і старшынёй Палаты прадстаўнікоў. "Сустрэча дэлегацыі з Міхаілам Мясніковічам і Уладзімірам Андрэйчанкам пройдзе 7 верасня ў Нацыянальнай бібліятэцы", - праінфармавалі ў прэс-службе верхняй палаты беларускага парламента.
Плануецца таксама, што іранскія парламентарыі наведаюць ААТ "Белкамунмаш", ускладуць вянок да манумента Перамогі ў Мінску.-0-