29 чэрвеня, Мінск /Кар. БЕЛТА/. У Мінску заснаваны 100 штогадовых прэмій школьнікам, якія дабіліся высокіх вынікаў на гарадскіх, рэспубліканскіх, міжнародных алімпіядах, конкурсах, канферэнцыях, турнірах, творчых і спартыўных спаборніцтвах. Такое рашэнне прынята сёння на сесіі Мінскага гарадскога Савета дэпутатаў, перадае карэспандэнт БЕЛТА.
Прэміі ў памеры 5 базавых велічынь будуць выплачаны вучням 8-11 класаў устаноў агульнай сярэдняй адукацыі па выніках бягучага навучальнага года за кошт сродкаў бюджэту горада. Прысуджэнне прэмій ажыццяўляецца камісіяй, створанай камітэтам па адукацыі Мінгарвыканкама.
Заснаванне прэміі накіравана на падтрымку адораных і высокаматываваных вучняў, якія дасягнулі высокіх вынікаў у вучэбнай і творчай дзейнасці.
За 2011-2015 гады прэміі Мінгарвыканкама ўдастоены 500 таленавітых вучняў.-0-
