Штогод у сакавіку адзначаецца Сусветны дзень тэатра.
Цікавыя факты з гісторыі беларускага тэатра
У XVIII ст. на тэрыторыі Беларусі дзейнічалі прыдворныя тэатры, пры якіх таксама адкрываліся музычныя, вакальныя, балетныя школы.
Нясвіжскі тэатр - першы прафесійны тэатр у гісторыі Беларусі.
У 1740 г. у замку быў пастаўлены першы спектакль.
У 1751 г. пры тэатры створаны музычная і вакальная школы, а таксама балетная (з 1758 г.), аркестр народных інструментаў.
Тэатр Тызенгаўза ў Гродне - найстарэйшая з захаваных тэатральных пабудоў Беларусі (1772 г.).
Тэатр пачаў функцыянаваць у 1769 г. як невялікі ансамбль, затым як калектыў са значным балетным і оперным рэпертуарам.
Цяпер у будынку размяшчаецца Гродзенскі абласны тэатр лялек.
Слонімскі тэатр Агінскага - самы вялікі і тэхнічна аснашчаны.
Створаны ў 1771 г. За 15-20 гадоў пастаўлена 82 спектаклі. У аркестр тэатра ўваходзіла 53 музыканты.
Агульная ўмяшчальнасць залы тэатра складала каля 1 тыс. чалавек.
Сцэна дала магчымасць увасабляць самыя складаныя спектаклі, тэатралізаваныя конныя баталіі і водныя феерыі.
У XIX стагоддзі на базе прыватных антрэпрыз сталі ўзнікаць гарадскія тэатры.
У 20-30-х гадах ХХ стагоддзя пабудавана большасць з дзеючых сёння беларускіх прафесійных тэатраў.
Для даведкі
У 2022 г. у тэатральным рэпертуары прадстаўлена больш за 1 тыс. спектакляў розных жанраў. Тэатры наведалі каля 1,5 млн чалавек (кожны шосты жыхар).
Крыніцы: Міністэрства культуры, Нацыянальная бібліятэка Беларусі, адкрытыя крыніцы
