Фота Мінэнерга
23 красавіка, Мінск /Кар. БЕЛТА/. Узбекістан зацікаўлены ў беларускім вопыце будаўніцтва АЭС. Аб гэтым заявіў Надзвычайны і Паўнамоцны Пасол Узбекістана ў Беларусі Рахматула Назараў на сустрэчы з міністрам энергетыкі Віктарам Каранкевічам, паведамілі БЕЛТА ў прэс-службе Мінэнерга.
Бакі абмеркавалі магчымасці супрацоўніцтва дзвюх краін у энергетычнай галіне, у тым ліку ў сферы атамнай энергетыкі.
У сваю чаргу Віктар Каранкевіч адзначыў, што беларуская атамная станцыя працуе ўжо на эканоміку краіны і прыносіць значны эфект. "Нашымі спецыялістамі напрацаваны пэўныя кампетэнцыі не толькі ў частцы самога будаўніцтва, але і ў сферы выканання работ па зборцы і мантажы абсталявання, пусканаладачных аперацый, - адзначыў ён. - Увод у эксплуатацыю БелАЭС надаў імпульс развіццю сумежных з атамнай энергетыкай напрамкаў, сярод іх - электратранспарт. У Жодзіне і Шклове рэалізаваны праекты па пераводзе гарадскога грамадскага транспарту на электробусы. Беларускі бок гатовы дзяліцца гэтым вопытам".
У рамках рабочай сустрэчы таксама разгледжаны магчымасці партнёрства Беларусі і Узбекістана па пытаннях праектавання і будаўніцтва аб'ектаў электрасеткавай інфраструктуры. Акрамя таго, размова ішла аб патэнцыяле арганізацый газавай галіны і тарфяной прамысловасці Беларусі.
Бакі пацвердзілі зацікаўленасць ва ўзаемавыгадным супрацоўніцтве, адзначылі дадатную дынаміку росту тавараабароту паміж краінамі. Было падкрэслена, што ўмацаванню двухбаковых адносін і рэалізацыі новых сумесных праектаў садзейнічае сустрэча кіраўнікоў дзяржаў, якая адбылася ў лютым гэтага года.-0-
Бакі абмеркавалі магчымасці супрацоўніцтва дзвюх краін у энергетычнай галіне, у тым ліку ў сферы атамнай энергетыкі.
У сваю чаргу Віктар Каранкевіч адзначыў, што беларуская атамная станцыя працуе ўжо на эканоміку краіны і прыносіць значны эфект. "Нашымі спецыялістамі напрацаваны пэўныя кампетэнцыі не толькі ў частцы самога будаўніцтва, але і ў сферы выканання работ па зборцы і мантажы абсталявання, пусканаладачных аперацый, - адзначыў ён. - Увод у эксплуатацыю БелАЭС надаў імпульс развіццю сумежных з атамнай энергетыкай напрамкаў, сярод іх - электратранспарт. У Жодзіне і Шклове рэалізаваны праекты па пераводзе гарадскога грамадскага транспарту на электробусы. Беларускі бок гатовы дзяліцца гэтым вопытам".
У рамках рабочай сустрэчы таксама разгледжаны магчымасці партнёрства Беларусі і Узбекістана па пытаннях праектавання і будаўніцтва аб'ектаў электрасеткавай інфраструктуры. Акрамя таго, размова ішла аб патэнцыяле арганізацый газавай галіны і тарфяной прамысловасці Беларусі.
Бакі пацвердзілі зацікаўленасць ва ўзаемавыгадным супрацоўніцтве, адзначылі дадатную дынаміку росту тавараабароту паміж краінамі. Было падкрэслена, што ўмацаванню двухбаковых адносін і рэалізацыі новых сумесных праектаў садзейнічае сустрэча кіраўнікоў дзяржаў, якая адбылася ў лютым гэтага года.-0-
