18 жніўня, Мінск /Кар. БЕЛТА/. ЗША эвакуіравалі з Афганістана больш за 3,2 тыс. чалавек. Аб гэтым паведамляе ТАСС.
Амерыканскія ўлады 17 жніўня эвакуіравалі з Афганістана каля 1,1 тыс. грамадзян ЗША, уладальнікаў пасведчання на права жыхарства ў Злучаных Штатах і членаў іх сем'яў. Як паведаміў журналістам прадстаўнік Белага дома, усяго за апошнія дні з Афганістана эвакуіравана ўвогуле звыш 3,2 тыс. чалавек.
"Сёння ваеннымі рэйсамі ЗША былі эвакуіраваны прыкладна 1,1 тыс. грамадзян ЗША, пастаянных жыхароў ЗША і членаў іх сем'яў. Цяпер, калі мы наладзілі паток, мы чакаем, што гэтыя лічбы будуць расці", - сказаў чыноўнік, словы якога прыводзіць прэс-пул Белага дома. Усяго ў аўторак было ажыццёўлена 13 рэйсаў.
"На гэты момант мы эвакуіравалі больш за 3,2 тыс. чалавек, у тым ліку наш персанал. У дадатак да гэтых больш як 3,2 тыс. эвакуіраваных мы перамясцілі больш за 2 тыс. афганцаў, якія звярнуліся за атрыманнем спецыяльнай іміграцыйнай візы ў ЗША", - дадаў прадстаўнік Белага дома.
Баевікі руху "Талібан" 15 жніўня без бою ўвайшлі ў Кабул і на працягу некалькіх гадзін устанавілі поўны кантроль над афганскай сталіцай. Прэзідэнт Афганістана Ашраф Гані паведаміў, што склаў паўнамоцтвы, каб не дапусціць кровапраліцця, і пакінуў краіну. Заходнія краіны эвакуіруюць сваіх грамадзян і супрацоўнікаў пасольстваў.-0-
Амерыканскія ўлады 17 жніўня эвакуіравалі з Афганістана каля 1,1 тыс. грамадзян ЗША, уладальнікаў пасведчання на права жыхарства ў Злучаных Штатах і членаў іх сем'яў. Як паведаміў журналістам прадстаўнік Белага дома, усяго за апошнія дні з Афганістана эвакуіравана ўвогуле звыш 3,2 тыс. чалавек.
"Сёння ваеннымі рэйсамі ЗША былі эвакуіраваны прыкладна 1,1 тыс. грамадзян ЗША, пастаянных жыхароў ЗША і членаў іх сем'яў. Цяпер, калі мы наладзілі паток, мы чакаем, што гэтыя лічбы будуць расці", - сказаў чыноўнік, словы якога прыводзіць прэс-пул Белага дома. Усяго ў аўторак было ажыццёўлена 13 рэйсаў.
"На гэты момант мы эвакуіравалі больш за 3,2 тыс. чалавек, у тым ліку наш персанал. У дадатак да гэтых больш як 3,2 тыс. эвакуіраваных мы перамясцілі больш за 2 тыс. афганцаў, якія звярнуліся за атрыманнем спецыяльнай іміграцыйнай візы ў ЗША", - дадаў прадстаўнік Белага дома.
Баевікі руху "Талібан" 15 жніўня без бою ўвайшлі ў Кабул і на працягу некалькіх гадзін устанавілі поўны кантроль над афганскай сталіцай. Прэзідэнт Афганістана Ашраф Гані паведаміў, што склаў паўнамоцтвы, каб не дапусціць кровапраліцця, і пакінуў краіну. Заходнія краіны эвакуіруюць сваіх грамадзян і супрацоўнікаў пасольстваў.-0-