6 снежня, Мінск /Кар. БЕЛТА/. Сінгапурская біятэхналагічная кампанія BioAcumen Global распрацавала спецыялізаваны ПЛР-тэст, які выяўляе наяўнасць амікрон-штама COVID-19, паведамляе газета The Straits Times.
"Чалавек пры выкарыстанні гэтага тэста можа атрымаць тры варыянты рэзультату: станоўчы на каранавірус і амікрон, станоўчы на каранавірус, але адмоўны на амікрон або ж поўнасцю адмоўны", - расказалі вучоныя з BioAcumen Global.
Самай важнай перавагай новага тэста з'яўляецца тое, што праз 90 мінут пасля здачы мазка гатовы рэзультат, а пры выкарыстанні традыцыйных ПЛР-тэстаў патрабуецца дадатковае даследаванне і пэўны час, каб выявіць новы штам.
У кампаніі адзначылі, што пачалі ўжо масавую вытворчасць тэстаў, якія ў першую чаргу будуць выкарыстоўвацца на кантрольна-прапускных пунктах краіны.-0-