Мабільная версія
ДЗЯРЖОРГАНЫ
Апошнія навіны
Усе навіны

Спецслужбы ФРГ прадухілілі тэракт

У свеце 18.10.2018 | 16:24
Фота Reuters
Фота Reuters

18 кастрычніка, Мінск /Кар. БЕЛТА/. Тэрарысты групоўкі "Ісламская дзяржава" планавалі здзейсніць вялікі тэракт на адным з музычных фестываляў у Германіі, паведамляе нямецкая тэлерадыёкампанія Deutsche Welle.

Службы бяспекі прадухілілі тэракт - гэта стала вынікам больш як гадавой аперацыі, паведамляюць нямецкія тэлеканалы NDR і WDR, а таксама газеты Suddeutsche Zeitung і Die Zeit. У Германію павінны былі ўехаць тры групы злачынцаў. Мэтай нападзення мог стаць адзін з музычных фестываляў. Федэральная пракуратура Германіі пацвердзіла існаванне тэрарыстычных планаў.

"Мы загадзя даведаліся аб планаванні тэрактаў і ўжо ў кастрычніку 2016 года маглі адкрыць крымінальную справу", - заявіў генпракурор Петэр Франк. Паводле яго слоў, атрыманыя звесткі былі "канкрэтнымі" і "надзейнымі". Некаторыя з патэнцыяльных злачынцаў яшчэ знаходзяцца ў вышуку. Галоўную ролю павінна была адыграць сямейная пара з Германіі, якая ў 2015 годзе адправілася ў Сірыю, дзе далучылася да ІД.

З сірыйскай Ракі прыняўшая іслам немка спрабавала, паводле інфармацыі СМІ, знайсці на поўначы Германіі жанчын, якія былі б гатовы выйсці замуж за патэнцыяльных тэрарыстаў, што адкрыла б апошнім дарогу у ФРГ. Аднак адна з жанчын, з якой яна кантактавала, працавала на Федэральнае ведамства па ахове Канстытуцыі.

Планы тэрарыстаў разладзілі як дзеянні следчых, так і развал самой групоўкі ІД. Газета Die Zeit удакладняе, што згаданая сямейная пара ў кастрычніку 2017 года здалася курдскім уладам і з таго часу знаходзіцца ў розных месцах пазбаўлення волі на поўначы Сірыі. Як заявіў падазроны мужчына ў інтэрв'ю СМІ, ён спрабаваў "выйсці са справы" пасля таго, як даведаўся пра падрабязнасці плана тэрарыстаў. Следства таксама лічыць, што ў тэрактах замешаны высокапастаўлены функцыянер ІД, вядомы пад імем Абу Мусаб аль-Альмані.-0-

Версія для друку
Навіны рубрыкі У свеце
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Як падрыхтаваць аўтамабіль да зімы Зімовы набор аўтааматара: трос, правады для "прыкурвання", скрабок са шчоткай, рызінавыя дыванкі з высокім бортам, шчыток для радыятара.