15 сакавіка, Мінск /Кар. БЕЛТА/. Расія лідзіруе ў Еўропе па колькасці жыхароў, якія прайшлі поўны курс вакцынацыі ад каранавіруса. Абедзве дозы вакцыны "Спадарожнік V" атрымалі ўжо 3,5 млн расіян. Аб гэтым заявіў журналістам у панядзелак кіраўнік Расійскага фонду прамых інвестыцый (РФПІ) Кірыл Дзмітрыеў, паведамляе ТАСС.
"Расія лідзіруе ў Еўропе па колькасці завершаных курсаў вакцынацыі ад каранавіруснай інфекцыі - два складнікі "Спадарожнік V" атрымалі ўжо 3,5 млн чалавек. Ніводная іншая еўрапейская краіна яшчэ не вакцынавала поўнасцю 3 млн жыхароў. Расія разам з Кітаем, ЗША, Індыяй і Ізраілем уваходзіць у топ-5 краін у свеце па колькасці людзей, якія прайшлі вакцынацыю. Часта з гэтым паказчыкам некарэктна параўноўваюць агульную колькасць ін'екцый, у той час як Расія выкарыстоўвае кансерватыўны падыход разліку вакцынацый, заснаваны на поўнай вакцынацыі двума кампанентамі", - сказаў Кірыл Дзмітрыеў.-0-
