18 студзеня, Мінск /Кар. БЕЛТА/. Папа Рымскі Францыск перадасць 100 тыс. еўра для дапамогі мігрантам на граніцы Беларусі і Польшчы, паведамляе ТАСС са спасылкай на службу друку Святога прастола.
"Святы айцец вырашыў накіраваць узнос у памеры 100 тыс. еўра на дапамогу мігрантам, якія знаходзяцца паміж Польшчай і Беларуссю, а таксама для польскага падраздзялення каталіцкай дабрачыннай арганізацыі Caritas для вырашэння надзвычайнай сітуацыі з мігрантамі на граніцы дзвюх краін", - адзначаецца ў дакуменце.-0-
