9 верасня, Мінск /Кар. БЕЛТА/. Колькасць ахвяр пажару ў бальніцы для пацыентаў з каранавірусам у горадзе Цетава Паўночнай Македоніі павялічылася да 14, яшчэ 12 чалавек пацярпелі. Аб гэтым паведамляе паўночнамакедонскі тэлеканал Alsat-M.
Адзначаецца, што ўрад Паўночнай Македоніі прыняў рашэнне аб'явіць трохдзённую жалобу ў краіне ў сувязі з гібеллю 14 чалавек пры пажары ў бальніцы. Міністр аховы здароўя краіны Венка Філіпчэ на сваёй старонцы ў Twitter выказаў спачуванні родным і блізкім загінулых.
Раней паведамлялася, што пажар узнік позна вечарам 8 верасня ў бальніцы для пацыентаў з каранавірусам у горадзе Цетава Паўночнай Македоніі. Пажарным праз 2 гадзіны ўдалося патушыць полымя.
У Цетава неадкладна прыбылі прэм'ер-міністр Паўночнай Македоніі Зоран Заеў, міністр аховы здароўя Венка Філіпчэ, міністр унутраных спраў Олівер Спасоўскі і іншыя прадстаўнікі ўрада.
Вядома, што прычынай пажару стаў узрыў, яго прычыны ўстанаўліваюцца.-0-
