ДЗЯРЖОРГАНЫДЗЯРЖОРГАНЫ
Флаг Чацвер, 28 кастрычніка 2021
Мінск Ясна +11°C
Усе навіны
Усе навіны
У свеце
09 верасня 2021, 10:47

Японія плануе аслабіць каранцінныя меры для вакцынаваных турыстаў

Фота з архіва
Фота з архіва

9 верасня, Мінск /Кар. БЕЛТА/. Урад Японіі плануе аслабіць каранцінныя патрабаванні пры ўездзе вакцынаваных замежных грамадзян, паведамляе тэлеканал NHK.

Улады хочуць зменшыць знаходжанне турыстаў на самаізаляцыі да 10 дзён. Цяпер тэрмін самаізаляцыі 14 дзён.

Новае правіла закране толькі тых, хто прайшоў поўны курс вакцынацыі прэпаратамі Pfizer, Moderna або AstraZeneca. Пацвярджальныя дакументы павінны быць выдадзены на тэрыторыі ЕС, ЗША або Японіі.

Урад плануе пачаць рэалізацыю гэтай меры ў канцы верасня.

Як піша ТАСС, з 28 снежня 2020 года ў Японіі была уведзена фактычна забарона на выдачу новых віз грамадзянам усіх дзяржаў і рэгіёнаў свету ў сувязі з выяўленнем у Вялікабрытаніі новага штама каранавіруса. Цяпер у краіну могуць уехаць толькі японцы і замежныя грамадзяне, якія пастаянна пражываюць тут і маюць доўгатэрміновыя візы.

Пры перасячэнні граніцы ім неабходна мець дакумент аб наяўнасці адмоўнага выніку тэста на каранавірус, зробленага на працягу 72 гадзін перад прыбыццём. Яшчэ адзін тэст неабходна прайсці ў аэрапорце пасля прылёту. Потым грамадзяне, якія прыехалі з-за мяжы, абавязаны будуць прайсці 14-дзённы каранцін. Для тых, хто ўязджае з краін, дзе штодзённа фіксуецца высокі прырост колькасці выпадкаў заражэння каранавірусам, каранцінныя патрабаванні больш строгія. Яны вымушаны часткова праводзіць адведзены перыяд у спецыяльна выдзеленых для самаізаляцыі атэлях і здаваць некалькі дадатковых ПЛР-тэстаў.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі